Psom 83:2 - Nouvo Testaman Kreol Morisien Harmonisation NTPS KM

² Get laba! To lennmi pe azite, e bann ki ena laenn pou twa pe organiz revolt.

Kreol Morisyen OT Portions

² Get laba! To ennmi pe azite, e bann ki ena laenn pou twa pe organiz revolt.

Psom 83:2 Iomraidhean Croise

Psom 109:1

Bondie, twa ki mo loue, pa gard silans.

Psom 74:23

Pa bliye e rapel bien! To lennmi fer enn ta tapaz, to adverser pe touzour kriye mem.

Psom 74:4

Andan to Tanp to lennmi finn kriye laviktwar; zot finn met zot pavion pou fer twa vwar.

Psom 81:15

Bann ki ayir LESEGNER pou kourbe ar lafreyer divan li, zot pinision pa pou ena finision.

Psom 93:3

Bann vag leve dan losean, O SEGNER, zot leve, zot kriye for-for, zot leve, zot kime ar laraz feros.

Mt 27:24

Letan Pilat trouve ki li nepli kapav fer nanye me ki bann-la pe pli revolte, li pran dilo e li lav so lame devan lafoul; li dir, “Mo pa responsab disan sa dimounn-la; get zot zafer.”

Zistwar Bann Zapot 16:22

Lafoul osi ti donn koudme atak bann-la, ek bann mazistra ti fer aras zot linz e fer bat zot kout fwet.

Zistwar Bann Zapot 17:5

Me bann Zwif ti zalou. Zot pran ar zot de-trwa taper, rasanble enn lafoul e zot fer dezord dan lavil. Zot atak lakaz Zason, zot ti pe rod tir Pol ek Silas pou amenn zot ar lafoul.

Zistwar Bann Zapot 21:30

Enn gran dezord ti leve dan lavil, ek dimounn ti sorti partou ti galoupe pou vinn aret Pol. Zot ti trenn li andeor Tanp e zot ferm laport.

Zistwar Bann Zapot 22:22

Lafoul ti ekout Pol ziska so dernie parol. Lerla zot kriye for-for, “Fer sa boug-la disparet do! Touy li! Li pa dign viv lor sa later-la!”

Zistwar Bann Zapot 23:10

Diskision ti pe telman sofe, komandan ti gagn per ki bann-la desir Pol bout-bout. Akoz sa li donn lord so solda pou ras Pol parmi bann-la ek amenn li dan kazern.