Psom 40:8 - Nouvo Testaman Kreol Morisien Harmonisation NTPS KM

⁸ Mo ena boukou plezir obeir to volonte, Bondie. Mo finn grav to lalwa dan mo leker.”

Kreol Morisyen OT Portions

⁸ Mo ena boukou plezir obeyir to volonte, Bondie. Mo finn grav to lalwa dan mo leker. “

Psom 40:8 Iomraidhean Croise

Psom 112:1

Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

Psom 119:16

To bann lalwa donn mwa satisfaksion; to parol finn grave dan mo memwar.

Psom 119:24

To leson donn mwa plezir; zot bann konseye ki ouver mo lespri.

Psom 119:47

Mo santi mwa dan bien kan mo pe obeir to komannman parski mo telman kontan to parol.

Psom 119:92

Si to lalwa pa ti lasours mo lazwa depi lontan mo douler ti pou fini touy mwa.

Proverb 3:1

Mo zanfan, pa bliye mo lansegnman, dan fon to leker, to ava gard mo bann komannman.

Zn 4:34

Zezi dir zot, “Mwa, mo manze, se fer volonte ek fini travay Sa-Enn ki finn avoy mwa la.

Let pou Romin 7:22

Dan mo leker mo pran plezir dan lalwa Bondie.

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

2 Ko 3:3

Li kler ki zot enn let ki sorti kot Lekris, ki transmet par nou. Li pa finn ekrir ar lank, me avek Lespri Bondie vivan; li pa grave lor bann tablet ros, me dan leker bann imin.