Psom 40:2 - Nouvo Testaman Kreol Morisien Harmonisation NTPS KM

² Li ti tir mwa depi dan trou lamor; fer mwa sap dan marekaz san fon, li ti poz mo lipie lor enn baz solid, danze napa koste, la kot mo marse.

Kreol Morisyen OT Portions

² Li ti tir mwa depi dan trou lamor; fer mwa sap dan marekaz san fon, li ti poz mo lipie lor enn baz solid, danze napa koste, la kot mo marse.

Psom 40:2 Iomraidhean Croise

Psom 116:3

Lamor ti pe fer mo letour pou anvlop mwa; tom ti pe ouver an gran pou aval mwa. Traka ek lafreyer ti pe sezi mwa par lagorz.

Psom 119:133

Dapre to parol, diriz mo pa pou mo pa tonbe; pa les lemal devir mo lavi.

Psom 143:3

Mo lennmi finn pourswiv mwa, finn zet mwa anba, finn kraz mwa. Mo lennmi finn anfons mwa dan lobskirite parey dimounn ki finn mor lontan.

Psom 17:5

Mo finn touletan mars lor sime ki to finn trase e zame mo pa finn derape.

Psom 18:36

To finn donn mwa plis lespas pou mo kapav avanse, sa finn anpes mwa tonbe.

Psom 18:7

Lerla later ti tranble ek bouze; fondasion montagn sakouye ek vibre parski Bondie ti bien ankoler.

Psom 27:5

Kan letan dir vini li pou gard mwa an sekirite dan so Tanp; li pou kasiet mwa anba so latant; li pou plas mwa an sekirite dan enn landrwa bien ot.

Psom 37:23

LESEGNER gid nou lor bon sime e li protez bann ki swiv drwatir.

Psom 61:2

Depi dan bout later mo kriye twa, mo dekouraze, mo dezespere. Kondir mwa lao, dan enn oter, ki tro ot pou mwa.

Psom 69:2

mo lipie pe fons dan labou parski dan fon tou finn vinn mou; mo pe perdi pie e bann vag ot pe vinn nway mwa.

Psom 71:20

Mem si to finn avoy traka ek soufrans lor mwa mo kone to pou re-donn mwa lavi. Mo kone to pou relev mwa, remont mwa depi profonder later.

Psom 86:13

To lamour infini pou mwa li depas tou! To finn tir mwa dan trou lamor.

Mt 13:50

Seki move pou zet zot dan sa gran dife-la, kot pou ena boukou plore ek kriye e grinsman ledan.”

Zistwar Bann Zapot 2:24

Me Bondie finn resisit li, finn tir li dan douler lamor, parski li ti inposib ki lamor tini li dan so pouvwar.