Psom 19:11 - Nouvo Testaman Kreol Morisien Harmonisation NTPS KM

¹¹ Zot donn mwa, to serviter, gran konesans e kan mo obeir zot mo gagn rekonpans.

Kreol Morisyen OT Portions

¹¹ Zot donn mwa, to serviter, gran konesans e kan mo obeyir zot mo gagn rekonpans.

Psom 19:11 Iomraidhean Croise

Psom 119:103

To parol zot extra dou, pli dou ki dimiel.

Psom 119:11

Mo prezerv to parol dan mo leker pou mo pa fer pese kont twa.

Psom 119:72

Lalwa ki to prononse, samem meyer pou mwa, li vo plis ki tou bann trezor dan lemond.

Proverb 11:18

Bann move dimounn travay pou nanye; dimounn ki fer dibien, zot ava dan bien.

Proverb 24:14

Konpran mo zanfan, lasazes kouma dimiel pou to nam; kan to ena li, to lavenir asire, e to lespwar pa pou tom dan dilo.

Proverb 29:18

Kan dirizan pena vizion, lepep pena kontrol; me bienere dimounn ki respekte lalwa Bondie.

Mt 3:7

Ler li trouv enn kantite Farizien ek Sadiseen vinn kot li pou fer zot batize, li dir zot, “Bann espes serpan, kisann-la finn dir zot ki zot pou kapav evit koler Bondie?

Mt 6:18

pou ki lezot pa rekonet si to pe fer karem, me to Papa ki invizib, li trouv tou seki to fer an-prive e li pou rekonpans twa.

Mt 6:4

fode ki to bon aksion res sekre; to Papa ki trouv tou seki to fer pou rekonpans twa.

Mt 6:6

Me twa, kan to priye, rant dan to lasam, ferm twa andan e priye to Papa ki la dan sekre avek twa; to Papa ki trouv tou seki to fer, li pou rekonpans twa.

Zistwar Bann Zapot 20:31

Alors, pran kont! Rapel ki pandan trwa-z-an mo pa finn aret averti zot lanwit-lizour, mo finn plore pou zot tou.

1 Ko 4:14

Mo pa pe ekrir koumsa pou fer zot gagn onte, me mo pe averti zot, kouma mo bann zanfan ki mo bien kontan.

1 Tes 5:14

Nou pe sipliy zot, frer ek ser, pou averti bann ki pares, ankouraz bann ki gagn per, ed bann feb, ena pasians pou zot tou.

Eb 11:26

Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Let Zak 1:25

Me dimounn ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol-la an pratik, abe sa dimounn-la li pou beni dan tou seki li fer.

2 Zn 1:8

Zot bizin fer atansion pou zot pa perdi fri zot travay, me ki zot resevwar zot rekonpans plin-plin.

Revelasion 14:13

Apre sa mo tann enn lavwa dan lesiel ki dir, “Ekrir sa: Beni bann ki aster-la finn mor dan linion ar Zezi Kris! Wi, ki zot repoze apre zot travay parski zot bann bon aksion swiv zot.”