Psom 18:13 - Nouvo Testaman Kreol Morisien Harmonisation NTPS KM

¹³ Lavwa LESEGNER ti eklate kouma loraz e lavwa Bondie Pli Lao ti rezone partou.

Kreol Morisyen OT Portions

¹³ Lavwa LESEGNER ti eklate kouma loraz e lavwa Bondie Pli Lao ti rezone partou.

Psom 18:13 Iomraidhean Croise

Psom 104:7

Kan to ti reprimann dilo, li ti retir li; li ti sove ler li ti tann to instriksion kouma loraz.

Psom 11:6

Lor bann move dimounn li pou vers labrez ek souf anflame; enn labriz kouma dife, samem ki li pou gard pou zot.

Psom 140:10

Fer labrez tom lor zot; fer zot tom dan trou nwar kot pena sime sorti.

Psom 78:48

Lagrel ti touy zanimo; bann troupo ti viktim lafoud.

Zn 12:29

Lafoul ki ti prezan finn tande e zot dir, “Loraz sa!” Ena dir, “Enn anz finn koz ar li!”

Revelasion 19:6

Lerla mo tann enn lavwa koumadir enn gran lafoul dimounn, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.

Revelasion 4:5

Ti ena zekler, enn pake tapaz, kout toner e devan tronn-la set flanbo ti pe brile; samem set lespri Bondie.

Revelasion 8:5

Apre anz-la pran lansanswar, li ranpli li ar dife ki sorti lor lotel e li avoy sa lor later; e ti ena kout toner, loraz, zekler ek tranbleman-de-ter.