Psom 12:5 - Nouvo Testaman Kreol Morisien Harmonisation NTPS KM

⁵ LESEGNER dir, “Parski bann pov pe soufer; bann oprime pe plor zot maler, Mwa mo pou leve, mo pou donn zot proteksion ki zot bizin.”

Kreol Morisyen OT Portions

⁵ LESEGNER dir, “Parski bann pov pe soufer; bann oprime pe plor zot maler, Mwa mo pou leve, mo pou donn zot proteksion ki zot bizin. “

Psom 12:5 Iomraidhean Croise

Psom 10:12

Lev twa, SEGNER! Lev to lame pou pini zot, Bondie; pa bliye bann ki pe soufer!

Psom 10:18

To pou rann zistis an faver bann ki pe gagn kraze kouma orfelin; koumsa bann zans ordiner pou aret sem terer.

Psom 10:5

Move dimounn reisi tou seki li fer. Li pa konpran lazistis divinn, sa tro lwin pou li e li mepriz so lennmi.

Psom 31:19

Li vreman gran sa bonte ki to rezerve pou dimounn ki ena respe pou twa! Devan lizie tou dimounn to montre to bonte pou bann ki fer twa konfians.

Psom 34:6

Enn malere kriy osekour; LESEGNER finn tann li, e finn sov li dan tou so detres.

Psom 73:8

Zot sikann dimounn e koz move koze; zot fezer e zot tir plan pou fer dominer.

Proverb 14:31

Kan fer dominer ar dimounn pov, nou insilte zot kreater; me kan pran swin bann pov, nou onor li.

Proverb 18:21

Lalang ena pouvwar, li kapav amenn lavi ouswa lamor; si to kontan koze, fer atansion konsekans.

Let Zak 5:4

Ekout mwa! Zot finn refiz pey saler bann travayer ki finn travay dan zot karo. Bann-la pe fer konplint e lavwa bann ki fer larekolt finn ariv dan zorey Bondie Toupwisan.