Mt 8:4 - Nouvo Testaman Kreol Morisien Harmonisation NTPS KM

⁴ Zezi dir li, “Ekout bien, pa rakont sa personn, me al get enn pret, donn seki Moiz finn dir pou pirifikasion; sa pou enn temwaniaz pou lezot.”

Nouvo Testaman dan Kreol Morisien

⁴ Zezi dir li, “Ekout bien, pa rakont sa personn, me al get enn pret, donn seki Moiz finn dir pou pirifikasion; sa pou enn temwagnaz pou lezot.”

Mt 8:4 Iomraidhean Croise

Mt 10:18

akoz mwa, zot pou pas devan bann gouverner ek bann lerwa, sa pou servi bann-la ek lezot kouma enn temwaniaz.

Mt 16:20

Lerla li donn lord so bann disip pou pa dir personn ki limem Lemesi.

Mt 17:9

Letan zot pe desann montagn, Zezi donn zot enn lord, “Pa rakont personn seki zot finn trouve tanki Garson Limanite pa resisite parmi bann mor.”

Mt 3:15

Zezi reponn li, “Les ale aster-la, parski koumsa mem ki nou pou akonpli lazistis Bondie.”

Mt 5:17

Pa panse ki mo finn vini pou aboli lalwa ek bann profet; mo pa finn vini pou aboli me pou akonpli zot.

Mt 6:1

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Mt 9:30

Zot lizie ouver. Zezi donn zot enn warning pou pa rakont sa personn.

Mk 13:9

Me zot, fer atansion; bann-la pou trenn zot devan tribinal ek dan sinagog e zot pou gagn bate; pou amenn zot devan bann gouverner ek bann lerwa akoz mwa, samem pou zot temwaniaz devan bann-la.

Mk 3:12

Zezi menas zot pou ki zot pa fer dimounn kone ki li ete.

Mk 5:43

Zezi donn zot lord pa les personn kone. Li dir zot, “Donn tifi-la manze.”

Mk 6:11

Si dan enn landrwa dimounn refiz resevwar zot ek refiz ekout zot, sakouy bien lapousier anba zot lipie, kan zot kit bann-la, sa pou enn temwaniaz kont sa bann dimounn-la.”

Mk 7:36

Zezi donn zot lord pa dir nanye personn; me plis li donn zot lord, plis zot fann nouvel lor li partou.

Mk 8:30

Li komann zot pa dir sa personn.

Mk 9:9

Ler zot pe desann lor montagn, Zezi rekomann zot pa rakont personn seki zot finn trouve tanki Garson Limanite pa ankor resisite parmi bann mor.

Lk 17:14

Ler li trouv zot, li dir zot, “Al montre zot devan bann pret.” Zot ti ankor dan sime, ler zot finn gagn zot pirifikasion.

Lk 21:13

Sa pou enn lokazion pou zot donn zot temwaniaz.

Lk 4:41

Bann move lespri osi sorti lor boukou dimounn malad, e zot kriye, “Tomem Garson Bondie!” Me Zezi ti menas zot e li ti anpes zot koze, parski zot ti kone ki limem Lemesi.

Lk 5:14

Zezi donn li lord pa dir personn. Li dir li, “Ale, al get bann pret, al ofer enn sakrifis pou to pirifikasion, parey kouma Moiz ti finn komande. Sa pou enn prev pou lezot.”

Lk 8:56

Bann fami tifi-la ti etone; me Zezi donn zot lord pa dir personn ki finn arive.

Lk 9:21

Lerla li donn zot lord pa dir sa personn.

Zn 5:41

Mo pa pe rod grander ar dimounn,

Zn 7:18

Dimounn ki koz lor so prop nom, li pe rod so prop laglwar; me dimounn ki rod laglwar Sa-Enn ki finn avoy li la, li dan laverite e pena okenn foste dan li.

Zn 8:50

Mo pa pe rod mo prop laglwar me ena Enn ki pe rod li pou mwa e ki pou rann zizman.