Mt 7:24 - Nouvo Testaman Kreol Morisien Harmonisation NTPS KM

²⁴ Koumsa mem, tou dimounn ki ekout seki mo fek dir e met li an pratik, li parey enn zom ki finn ranz so lakaz lor fondasion solid.

Nouvo Testaman dan Kreol Morisien

²⁴ Koumsamem, tou dimoun ki ekout saki mo fek dir e met li anpratik, li parey enn zom ki finn ranz so lakaz lor fondasion solid.

Mt 7:24 Iomraidhean Croise

Psom 111:10

Rekonet lotorite LESEGNER samem koumansman lasazes; tou seki pratik sa, montre zot ena bon zizman. Louanz LESEGNER li pou eternel.

Psom 119:130

Kan dimounn dekouver to parol sa li ekler zot lavi e bann inioran trouv lizour.

Psom 119:99

Parfwa mo konpran plis ki profeser parski mo touletan pe medit lor to lansegnman.

Proverb 10:25

Tanpet vini, move dimounn anvole; me bon dimounn touletan reziste.

Proverb 10:8

Dimounn saz ek rezonab ekout bon konsey; me enn bet ki koz ninport fini dan presipis.

Proverb 12:7

Move dimounn fini mal, li pa les okenn tras; me fami dimounn drwat res bien solid.

Proverb 14:8

Enn dimounn pridan ena lasazes, e li swazir bon sime; me lafoli enn vantar amenn li dan perdision.

Mt 12:50

Parski dimounn ki fer dapre volonte mo Papa ki dan lesiel, limem mo frer, mo ser ek mo mama.”

Mt 16:18

E mo dir twa Pier, to enn ros, e lor sa ros-la mo pou konstrir mo Legliz, e pwisans lamor pa pou kapav dominn li.

Mt 24:45

“Ki sa serviter fidel ek bien serye, lor ki so patron kapav konte pou servi manze tou so bann travayer dan ler ki bizin?

Mt 25:2

Sink ladan ti insousian, e sink ti bien saz.

Mt 25:4

me bann saz-la ti pran plizir flakon delwil anplis pou zot lalanp.

Mt 25:9

Bann saz-la reponn: ‘Non, li pa posib, parski pa pou ena ase pou nou ek pou zot. Pli fasil zot al laboutik e aste inpe delwil pou zotmem.’

Mt 7:25

Lapli tonbe, inondasion vini, divan soufle lor lakaz-la, li pa kraze, akoz li finn konstrir lor ros.

Mt 7:26

E tou dimounn ki ekout mo parol e pa met li an pratik, zot pou parey enn fou ki konstrir so lakaz lor disab.

Lk 11:28

Me Zezi reponn li, “Bienere plito seki ekout Parol Bondie e obeir li!”

Zn 13:17

Si aster zot finn konn tousala, zot pou bienere si zot met sa an pratik.

Zn 14:15

“Si zot kontan mwa, zot pou obzerv mo bann komannman.

Zn 15:10

Si zot gard mo bann komannman, zot pou res dan mo lamour parey kouma mwa, mo gard komannman mo Papa e mo res dan so lamour.

Zn 15:14

Zot mo bann kamarad si zot fer tou seki mo komann zot.

Let pou Romin 2:13

Pa seki ekout lalwa ki drwat devan Bondie, me seki met lalwa an pratik ki Bondie deklar drwat.

1 Zn 2:3

Si nou gard so komannman, lerla nou sir ki nou konn li.