Mt 6:5 - Nouvo Testaman Kreol Morisien Harmonisation NTPS KM

⁵ Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pou ki dimounn trouv zot. Laverite mo dir zot, sa bann-la finn deza gagn zot rekonpans.

Nouvo Testaman dan Kreol Morisien

⁵ Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pouki dimoun trouv zot. Laverite mo dir zot, sa bann la finn deza gagn zot rekonpans.

Mt 6:5 Iomraidhean Croise

Psom 5:2

Twa mo Bondie, mo Lerwa, ekout mwa kan mo kriye twa, se twa ki mo priye.

Psom 55:17

Gramatin, midi, aswar mo rakont mo douler ek mo soufrans. Li pa pou fer sourd ar mo lapriyer.

Proverb 15:8

Lapriyer bon dimounn fer LESEGNER plezir; me li deteste lofrand bann malonet.

Proverb 16:5

LESEGNER deteste larogans; bann arogan pou gagn zot pinision.

Mt 21:22

Tou seki zot dimande dan lafwa, zot pou resevwar.”

Mt 23:13

Maler lor tou bann dokter lalwa ek Farizien ipokrit! Zot finn ferm laport lesiel pou dimounn. Zotmem zot pa rantre e kan lezot anvi rantre, zot blok laport.

Mt 23:5

Me zot kontan fer kiksoz pou lizie dimounn, zot bann filakter bien-bien gran e franz zot manto bien long.

Mt 23:6

Zot kontan bann premie plas dan bann fet ek bann meyer plas dan sinagog.

Mt 6:1

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Mt 6:16

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans;

Mt 6:2

Kan to fer lasarite, pa bizin sonn tronpet kouma bann ipokrit fer dan bann sinagog ek dan lari, pou ki dimounn aplodi zot. Laverite, mo dir zot, zot finn fini resevwar zot rekonpans.

Mt 9:38

Alor, priye met rekolt pou avoy travayer”

Mk 11:25

Kan zot vinn devan Bondie pou priye, si zot ena kiksoz kont enn dimounn, al pardonn li, pou ki zot papa dan lesiel pardonn osi zot bann fot.”

Mk 12:38

Dan so lansegnman Zezi ti pe dir, “Fer atansion ar bann dokter lalwa. Zot kontan pavane avek zot gran-gran rob e zot kontan kan dimounn kourbe devan zot lor plas piblik.

Lk 11:43

Maler lor zot bann Farizien! Zot kontan bann premie plas dan sinagog e zot kontan loner lor laplas piblik.

Lk 18:1

Zezi rakont enn parabol pou montre ki bizin touletan priye san dekouraze.

Lk 18:13

Me komi tax-la, ti pe dibout net par deryer e li pa ti mem oze lev so lizie pou get lesiel. Li ti pe tap so pwatrinn e li ti pe dir, ‘Bondie, pitie mwa parski mo enn peser!’

Lk 20:47

Zot devor ti-kas ki bann vev finn ramase e zot fer long-long lapriyer pou ki tou dimounn trouv zot. Zot pou gagn pli gran kondanasion.

Lk 6:24

Bienmalere zot ki bann ris parski zot finn deza resevwar zot konsolasion.

Zn 16:24

Ziska aster-la, zot pa finn demann nanye lor mo nom; demande, zot pou resevwar, lerla zot pou ranpli ar lazwa.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

1 Tes 5:17

Priye touletan.

Let Zak 4:6

Me Bondie donn tou dimounn boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”