Mt 5:20 - Nouvo Testaman Kreol Morisien Harmonisation NTPS KM

²⁰ Les mo dir zot ki si zot pa montre zot pli fidel anver volonte Bondie ki sa bann Farizien ek dokter lalwa-la, zot pa pou rant dan lesiel.

Nouvo Testaman dan Kreol Morisien

²⁰ Les mo dir zot ki si zot pa montre zot pli fidel anver volonte Bondie ki sa bann Farizien ek dokter lalwa la, zot pa pou rant dan lesiel.

Mt 5:20 Iomraidhean Croise

Mt 16:12

Lerla zot konpran ki li pa ti pe dir zot fer atansion ar levin dipin, me lansegnman ki bann Farizien ek Sadiseen ti pe done.

Mt 18:5

Dimounn ki akeyir enn zanfan lor mo nom, li pe akeyir mwa osi.

Mt 3:10

Aster-la mem laserp finn fini pare pou koup bann pie depi zot rasinn. Tou bann pie ki pa raport bon fri pou koupe zet dan dife.

Mt 7:21

“Pa tou dimounn ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

Mk 10:15

Laverite, laverite mo dir zot, dimounn ki pa akeyir Rwayom Bondie parey kouma enn ti zanfan, napa pou rant dan so Rwayom.”

Mk 10:25

Li pli fasil pou enn samo pas par trou enn zegwi ki pou enn risar rant dan Rwayom Bondie.”

Lk 11:44

Maler lor zot! Zot parey kouma bann tom ki dimounn pa remarke, e lor ki zot marse san kone!”

Lk 12:1

Ti ena telman enn gran lafoul ki dimounn ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi.

Lk 18:17

Laverite, mo dir zot, seki pa resevwar Rwayom Bondie kouma enn zanfan pa pou kapav rant ladan.”

2 Ko 3:9

Si travay ki amenn kondanasion ti ena laglwar, konbien plis laglwar ena dan travay ki fer enn dimounn vinn zis.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Let pou Filipien 3:9

e mo ini avek li. Mo pa kapav dir ki mo zis akoz mo pratik lalwa. Mo lazistis li baze lor lafwa dan Kris, enn lazistis ki sorti kot Bondie, baze lor lafwa.

Eb 12:14

Sey viv anpe avek tou dimounn. Viv enn lavi sin, parski san sa, personn pa pou kapav trouv Lesegner.

Revelasion 21:27

Me okenn inpirte pa pou rant dan lavil-la, ni personn ki pratik abominasion ou mansonz, me zis dimounn ki so nom finn ekrir dan liv lavi Agno.