Mt 4:23 - Nouvo Testaman Kreol Morisien Harmonisation NTPS KM

²³ Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Nouvo Testaman dan Kreol Morisien

²³ Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimoun avek toutsort kalite malad.

Mt 4:23 Iomraidhean Croise

Psom 103:3

Li pardonn tou to pese; geri to maladi.

Psom 74:8

Zot ti anvi fini nou net; zot ti bril tou bann landrwa lapriyer dan nou pei, landrwa sakre kot ti zwenn ar Bondie.

Mt 11:5

bann aveg pe trouv kler, bann andikape pe marse, bann lepre pe pirifie, bann sourd pe tande, bann mor pe resisite e bann pov pe tann Bonn Nouvel ki pe anonse.

Mt 12:9

Zezi kit sa landrwa-la e rant dan zot sinagog;

Mt 13:19

Kan kikenn tann koze lor Rwayom Bondie e li pa konpran, diab vini, ras tou seki finn seme dan so leker. Li resanble sa sime kot lagrin finn tonbe la.

Mt 13:54

Li al dan vilaz kot li ti grandi e li koumans ansegn dimounn dan zot sinagog. Sa bann dimounn-la ti etone e zot dir, “Kot li finn gagn sa kalite sazes-la? Kouma li kapav fer bel-bel mirak koumsa?

Mt 14:14

Ler li debark ater, li trouv enn gran lafoul; li pitie zot e li geri tou zot bann maladi.

Mt 24:14

Bonn Nouvel Rwayom Bondie pou anonse partou dan lemond, kouma enn temwaniaz pou tou bann nasion; lerla lafin pou vini.

Mt 3:2

Li ti pe dir, “Sanz zot leker, Rwayom Bondie finn aprose.”

Mt 9:35

Zezi ti al partou dan Galile, li ti pe ansegne dan zot sinagog, li ti pe proklam Bonn Nouvel Rwayom Bondie. Li ti geri bann dimounn ki ti ena tou sort kalite malad.

Mk 1:14

Letan bann-la finn aret Zan, Zezi rant dan Galile. Li koumans proklam Bonn Nouvel Bondie.

Mk 1:21

Zezi ek so bann disip al Kafarnaom. Zour saba, Zezi rant dan sinagog e li koumans donn lansegnman.

Mk 1:39

Koumsa mem li ti al partou dan Galile, li ti pe proklam Bonn Nouvel dan zot sinagog e li ti pe sas demon.

Mk 3:10

Li ti finn geri boukou dimounn; tou seki ti malad, ti pe pouse pou tous li.

Mk 6:2

Zour saba li koumans ansegne dan sinagog. Tou seki ti pe ekout li, ti inpresione. Zot dir, “Kot li finn aprann tou sa bann koze-la? Kot li finn gagn sa kalite sazes-la? Kot li finn gagn pouvwar pou fer sa kalite mirak-la ar so lame?

Mk 6:6

Zezi ti soke ki zot pa ti ena lafwa. Apre sa, li ti fer enn letour bann vilaz dan lezanviron, li ti kontigne ansegne.

Lk 10:9

geri bann malad sa lavil-la e dir so bann abitan, ‘Rwayom Bondie finn vinn pre ar zot.’

Lk 13:10

Zezi ti pe ansegne dan sinagog enn zour saba.

Lk 16:16

Lalwa ek profet finn fer lotorite ziska Zan; apre sa, pe proklam Bonn Nouvel Rwayom Bondie e sakenn pe fors limem pou rant ladan.

Lk 20:1

Enn zour, Zezi ti pe ansegn lepep dan Tanp e li ti pe anons Bonn Nouvel. Bann sef pret, bann dokter lalwa ek bann ansien vini tom lor li.

Lk 4:14

Zezi retourn Galile avek pwisans Lespri e dimounn koumans koz li partou dan larezion.

Lk 5:17

Enn zour, kan Zezi ti pe ansegne, bann Farizien ek bann dokter lalwa ti pe asize laba. Zot ti sorti dan bann vilaz Galile ek Zide e ena ki ti sorti Zerizalem. Pwisans Lesegner ti ar Zezi pou li fer gerizon.

Lk 6:17

Zezi desann ansam ar zot e li aret dan enn landrwa plat. Enn kantite disip ek enn gran lafoul dimounn ki vinn depi Zide, Zerizalem ek dan bor lakot Tir ek Sidon ti la osi.

Lk 6:6

Enn lot zour saba, letan li rant dan sinagog e ki li ti pe ansegne, ti ena enn boug prezan ki so lame drwat ti paralize.

Lk 7:21

Dan sa ler-la, Zezi ti pe geri boukou malad ki dan douler, ki ti ena lespri move; e bann aveg ti pe trouv kler.

Lk 7:22

Alors li reponn zot, “Al dir Zan seki zot finn trouve ek seki zot finn tande: aveg trouv kler, paralize marse, bann lepre geri, bann sourd tande, bann mor leve, bann pov resevwar Bonn Nouvel.

Lk 8:1

Zis apre, Zezi travers bann lavil ek bann vilaz pou anons ek proklam Bonn Nouvel Rwayom Bondie. Ledouz ti avek li,

Lk 9:11

Kan lafoul ti konn sa, zot ti swiv li; li ti akeyir zot, li ti koz ar zot lor Rwayom Bondie, e li ti geri bann ki ti bizin geri.

Lk 9:60

Me Zezi dir li, “Les bann mor anter bann mor; twa, al anons Rwayom Bondie.”

Zn 18:20

Zezi reponn li, “Mo finn koz devan tou dimounn lor later; mo finn ansegn touletan dan sinagog e dan Tanp, la kot tou bann Zwif rasanble; zame mo finn kasiet pou koze.

Zn 6:59

Zezi finn dir tousala, letan li ti pe ansegne dan sinagog Kafarnaom.

Zn 7:1

Apre sa Zezi ti pe ale-vini dan Galile; li pa ti anvi al Zide parski bann Zwif ti pe rod touy li laba.

Zistwar Bann Zapot 10:38

Zot kone kouma Bondie ti vers pwisans Lespri Sin lor Zezi ki sorti Nazaret. Li ti al partou, li fer dibien e ti geri tou dimounn ki ti may dan pouvwar diab, parski Bondie ti avek li.

Zistwar Bann Zapot 18:4

Sak saba Pol ti pran laparol dan sinagog, li ti rod konvink bann Zwif ek bann Grek.

Zistwar Bann Zapot 20:25

Aster-la mo kone ki personn parmi zot avek ki mo finn proklam Rwayom Bondie pa pou retrouv mo figir.

Zistwar Bann Zapot 28:31

Li ti proklam Rwayom Bondie, ek li ti ansegn lor Lesegner Zezi Kris ar boukou lasirans ek liberte.

Let pou Romin 10:15

E kouma zot pou anons sa mesaz-la, si pa anvway zot? Dapre seki finn ekrir, “Kouma li zoli letan nou trouv bann mesaze ki anons bonn nouvel arive!”