Mt 26:5 - Nouvo Testaman Kreol Morisien Harmonisation NTPS KM

⁵ Zot ti pe dir, “Fode pa ki nou aret li letan fet pe deroule parski dimounn pou kapav revolte.”

Nouvo Testaman dan Kreol Morisien

⁵ Zot ti pe dir, “Fodre pa ki nou aret li letan fet pe deroule parski dimoun pou kapav revolte.”

Mt 26:5 Iomraidhean Croise

Psom 76:10

Mem lakoler dimounn pou fer to laglwar pli gran, bann ki sap dan sa lakoler la pou vinn antour twa.

Proverb 19:21

Dimounn kapav fer boukou proze; me volonte LESEGNER ki pou realize.

Proverb 21:30

Mem si to ena bann verti kouma lasazes, bon rezonnman, ek disernman, to pa pou kapav defie LESEGNER.

Mt 14:5

Erod ti anvi touy li, me li ti per lafoul ki ti finn pran li pou enn profet.

Mt 21:26

Si nou reponn, ‘Dimounn,’ nou per lafoul parski tou dimounn ti konsider Zan kouma enn profet.”

Mt 27:24

Letan Pilat trouve ki li nepli kapav fer nanye me ki bann-la pe pli revolte, li pran dilo e li lav so lame devan lafoul; li dir, “Mo pa responsab disan sa dimounn-la; get zot zafer.”

Mk 14:12

Premie zour fet Dipin san levin, kan fer sakrifis agno pou fet Pak, bann disip dimann Zezi, “Kot to anvi nou ale pou fer bann preparasion pou manz repa paskal?”

Mk 14:2

Zot ti pe dir, “Pa fer sa pandan fet, sankwa lafoul kapav kree enn dezord.”

Mk 14:27

Zezi dir zot, “Zot tou, zot pou tonbe; finn ekrir, ‘Mo pou bat berze-la, tou mouton pou fane partou kote.’

Lk 20:6

Me si nou dir ar bann imin, tou lepep pou avoy nou kout ros, parski zot krwar ki Zan ti enn profet.”

Lk 22:7

Fet Pak arive e sa zour-la bizin fer sakrifis agno.

Zn 18:28

Boner gramatin, zot pran Zezi kot Kaif e zot amenn li devan pale gouverner. Zot pa rant dan pale pou ki zot pa vinn inpir e pou ki zot kapav manz repa Pak.

Zistwar Bann Zapot 19:29

Site-la net ti ranpli ar konfizion. Bann dimounn ti trenn Gais ek Aristark, de Masedonien ki ti kamarad Pol dan so vwayaz, e zot galoupe al dan teat.

Zistwar Bann Zapot 21:38

To pa sa Ezipsien ki pa tro lontan finn provok enn revolt ek finn antrenn ar li kat mil teroris dan dezer-la?”

Zistwar Bann Zapot 4:28

Koumsa, zot finn realiz seki to lame ek to plan ti deside depi koumansman.