Mt 26:41 - Nouvo Testaman Kreol Morisien Harmonisation NTPS KM

⁴¹ Veye, priye pou ki zot pa rant dan tantasion. Lespri anvi mem, me laser feb.”

Nouvo Testaman dan Kreol Morisien

⁴¹ Veye, priye pouki zot pa rant dan tantasion. Lespri anvi mem, me laser feb.”

Mt 26:41 Iomraidhean Croise

Psom 119:1

Bienere bann ki amenn enn lavi san repros, ki viv dapre lalwa LESEGNER.

Psom 119:115

Sort divan mwa ale, zot tou serviter lemal! Mwa mo respekte komannman mo Bondie.

Psom 119:117

Ar to soutien mo pou an sekirite e mo pou kontigne met to bann instriksion an pratik.

Psom 119:32

Mo swiv sime to komannman ar boukou lazwa parski to fer mo konesans grandi.

Mt 24:42

Alor, mo dir zot pran kont, parski personn pa kone ki zour zot Segner pou vini.

Mt 25:13

Zezi kontigne, li dir: “Pran kont, parski zot pa konn ni zour, ni ler.”

Mt 26:38

Li dir zot, “Mo ranpli ar enn gran tristes ki pe fini mwa. Res la avek mwa, pa dormi.”

Mt 6:13

Pa les nou tom dan tantasion Me tir nou dan lemal.’

Mk 14:38

Veye, priye pou pa rant dan tantasion; lespri for, laser feb.”

Lk 11:4

Pardonn nou nou pese, parey kouma nou pardonn bann seki ofans nou. Pa les nou tom dan tantasion.”

Lk 21:36

Gard zot lizie ouver, priye pou ki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Lk 22:40

Letan li ariv laba, li dir zot, “Priye pou pa rant dan lak tantasion.”

Lk 22:46

Li dir zot, “Kifer zot pe dormi? Leve, priye pou ki zot pa rant dan piez tantasion.”

Lk 8:13

Seki tom lor ros, sa bann ki tann laparol e zot resevwar li dan lazwa; me zot pena rasinn, zot krwar pou enn letan e kan difikilte vini zot abandonn lafwa.

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

1 Ko 10:13

Tou tantasion ki zot finn gagne li parey kouma seki tou dimounn gagne. Bondie fidel dan so promes ek li pa pou les zot gagn enn tantasion ki zot pa kapav tini. Kan zot pou tante, li pou donn zot enn sime pou sorti ladan.

1 Ko 16:13

Res lor zot gard, ferm dan lafwa, gard kouraz ek lafors.

1 Ko 9:27

Mo trenn mo lekor dir, mo kontrol li kouma mo esklav, pou ki mo pa pres lezot laparol, apre mo trouv momem diskalifie.

Ga 5:24

e bann ki viv ini avek Kris, zot finn krisifie zot prop laser ek zot bann pasion ek dezir.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

2 Pi 2:9

alor Lesegner kone ki fason pou delivre bann dimounn drwat depi zot difikilte e kouma li gard bann peser anba so pinision ziska zour zizman;

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimounn ki res eveye, so linz pare pou li mete, pou ki li pa mars touni, e gagn onte.”

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.