Mt 24:3 - Nouvo Testaman Kreol Morisien Harmonisation NTPS KM

³ Plitar ler li pe asize lor montagn Pie Zoliv, bann disip vinn get li an prive, zot dimann li, “Dir nou kan sa pou arive, e ki sign pou ena pou anons lafin-dimond.”

Nouvo Testaman dan Kreol Morisien

³ Plitar ler li pe asize lor montagn Pie Zoliv, bann disip vinn get li anprive, zot dimann li, “Dir nou kan sa pou arive, e ki sign pou ena pou anons lafin-dimonn.”

Mt 24:3 Iomraidhean Croise

Mt 13:36

Zezi kit lafoul e rant lakaz. So bann disip vinn kot li, e dir li, “Explik nou parabol move lerb dan karo.”

Mt 13:49

Koumsa mem li pou ete ler lafin-dimond arive. Bann anz pou vini, pou separ bann ki move avek bann ki finn res fidel.

Mt 15:12

Lerla so bann disip aprose e dir li, “Eski to kone ki bann Farizien ofanse kan zot tann twa koz koumsa?”

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimounn dapre seki li finn fer.

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

Mt 17:19

Apre sa bann disip al get Zezi an prive, zot dir li, “Kifer nou pa finn kapav sas sa demon-la?”

Mt 21:1

Kan zot ariv pre ar Zerizalem, dan vilaz Betfaze, koste ar kolinn Pie Zoliv, Zezi avoy de disip,

Mt 24:27

Parey kouma zekler briye dan lesiel depi dan les ziska lwes, koumsa mem Garson Limanite pou vini.

Mt 24:30

Lerla sign Garson Limanite pou paret dan lesiel; tou bann tribi lor later pou fer dey e zot pou trouv Garson Limanite vini dan niaz avek boukou pwisans ek laglwar.

Mt 24:37

Kouma sa ti pase lepok Noe, koumsa mem sa pou ete kan Garson Limanite pou vini.

Mt 24:39

Personn pa ti pe dout nanye ziska ki deliz vini ek balie zot tou. Koumsa mem pou ete kan Garson Limanite vini.

Mt 24:43

Zot konn bien, si enn proprieter ti kone ki ler dan lanwit voler pou pas kot li, li pa ti pou dormi pou ki so lakaz pa defonse.

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Lk 21:7

Lerla zot dimann Zezi, “Met, kan tousala pou arive? Ki sign pou fer nou kone ki sa pe vini?”

Zistwar Bann Zapot 1:7

Zezi reponn, “Zot pena pou kone ki ler ki moman, mo Papa limem finn deside.

Eb 9:26

sinon li ti pou bizin soufer ankor ek ankor depi fondasion lemond. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.