Mt 24:14 - Nouvo Testaman Kreol Morisien Harmonisation NTPS KM

¹⁴ Bonn Nouvel Rwayom Bondie pou anonse partou dan lemond, kouma enn temwaniaz pou tou bann nasion; lerla lafin pou vini.

Nouvo Testaman dan Kreol Morisien

¹⁴ Bonn Nouvel Rwayom Bondie pou anonse partou dan lemonn, kouma enn temwagnaz pou tou bann nasion; lerla lafin pou vini.

Mt 24:14 Iomraidhean Croise

Mt 10:7

Lor zot sime, anons, ‘Rwayom Bondie pe aprose.’

Mt 18:19

Laverite mo dir zot ankor enn fwa, si de ant zot tom dakor lor later pou dimann ninport kwa, mo Papa dan lesiel pou akord zot.

Mt 24:3

Plitar ler li pe asize lor montagn Pie Zoliv, bann disip vinn get li an prive, zot dimann li, “Dir nou kan sa pou arive, e ki sign pou ena pou anons lafin-dimond.”

Mt 24:6

E zot pou tann tapaz lager; asire ki zot pa gagn per, parski tousala pou arive, me lafin pa ankor arive.

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Mt 9:35

Zezi ti al partou dan Galile, li ti pe ansegne dan zot sinagog, li ti pe proklam Bonn Nouvel Rwayom Bondie. Li ti geri bann dimounn ki ti ena tou sort kalite malad.

Mk 13:10

Premie dabor, fode ki Bonn Nouvel proklame dan tou bann nasion.

Lk 2:1

Sa lepok-la Sezar Ogis donn lord fer resansman tou bann abitan Lanpir Romin.

Lk 24:47

e bizin proklam Parol Bondie lor so nom, repantans e pardon bann pese devan tou bann nasion depi Zerizalem.

Lk 4:5

Diab amenn li pli lao e montre li enn sel kout tou bann rwayom lor later.

Zistwar Bann Zapot 1:2

ziska ki li mont dan lesiel. Avan sa, li ti donn instriksion, par Lespri Sin, bann zapot ki li ti swazir.

Zistwar Bann Zapot 11:28

Enn parmi zot, Agabis, met li dibout e par pwisans Lespri Sin li koumans anonse ki pou ena enn lafaminn lor later. (Sa ti arive lepok Klod ti Lanperer.)

Zistwar Bann Zapot 17:31

parski li finn fixe enn zour kot li pou ziz lemond avek zistis par enn zom ki li finn swazir; e pou sa, li finn donn lasirans tou dimounn par aksion ki li finn fer, li finn relev li parmi bann mor.”

Zistwar Bann Zapot 17:6

Letan zot pa trouv bann-la, zot pran Zason ek de-trwa frer e trenn zot devan mazistra lavil. Zot kriye, “Sa bann dimounn ki ti pe devir lemond anba-lao la, zot finn vinn isi osi!

Zistwar Bann Zapot 19:27

Pou ena enn danze ki pa selman pou fer ditor nou lindistri, me osi Tanp gran dees Artemis pou perdi tou so repitasion; e dees-la limem ki adore partou dan Lazi ek dan lemond antie, pou perdi so grander.”

Zistwar Bann Zapot 20:25

Aster-la mo kone ki personn parmi zot avek ki mo finn proklam Rwayom Bondie pa pou retrouv mo figir.

Let pou Romin 10:18

Me mo dimande: Eski zot pa ti tande? Biensir zot ti tande: “Finn tann zot lavwa partou lor later, e zot parol finn ariv ziska dan bout lemond.”

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

Let pou Kolosien 1:6

ki finn ariv ziska zot; mem fason ki li pe donn so fri e li pe progrese dan lemond antie, mem fason li pe azir parmi zot depi zour zot finn resevwar li e vremem zot finn konn labonte Bondie.

Eb 1:6

Me letan Bondie avoy so Garson premie-ne dan lemond, li ti dir, “Ki tou bann anz Bondie ador li.”

Eb 2:5

Ofet, sa lemond ki pe vini e ki nou pe koze la, Bondie pa finn plas li anba pouvwar bann anz.

Revelasion 14:6

Apre mo ti trouv enn lot anz ki pe anvole bien ot. Li ti ena enn mesaz Bonn Nouvel eternel pou proklam ar tou bann ki vivan lor later ek tou bann nasion, tribi, langaz ek pep.

Revelasion 16:14

Sa ti bann lespri demon ki fer bann mirak. Zot al rod bann lerwa lemond antie, pou rasanble zot pou lager kan gran zour Bondie Toupwisan arive.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.