Mt 24:11 - Nouvo Testaman Kreol Morisien Harmonisation NTPS KM

¹¹ Boukou fos profet pou leve e pou anbet dimounn.

Nouvo Testaman dan Kreol Morisien

¹¹ Boukou fos profet pou leve e pou anbet dimoun.

Mt 24:11 Iomraidhean Croise

Mt 24:12

E lemal pou ogmante, dimounn pou nepli kontan zot kamarad.

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Mt 24:5

Pou ena boukou ki pou vini lor mo nom pou dir ‘Momem Lemesi!’

Mt 7:15

Fer atansion bann fos profet ki vini kouma bann mouton me ki an-verite zot bann loulou feros.

Mk 13:22

Fos mesi ek fos profet pou leve; zot pou fer bann mirak pou fer dimounn tom dan lerer, e si posib, mem parmi bann seki finn swazir.

Zistwar Bann Zapot 20:30

Parmi zotmem ena ki pou leve, pou detourn laverite pou ki zot kapav ris bann disip pou swiv zot.

1 Tim 4:1

Lespri Sin dir li klerman: dan dernie tan, ena pou abandonn lafwa. Zot prefer swiv bann lespri ki desevwar e ekout bann lansegnman demoniak.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou amenn bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

1 Zn 2:18

Mo bann zanfan, lafin pe aprose. Zot finn tande ki antikris pe vini, aster-la mem ena boukou lennmi Lekris ki finn fini vini. Koumsa mem nou kone ki lafin li pre.

1 Zn 2:26

Mo pe ekrir sa lor size bann dimounn pe rod tronp zot.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Revelasion 19:20

Alor zot finn trap bebet-la anmemtan ki sa fos profet ki ti fer bann mirak dan so prezans la; ki ti sedwir tou bann ki ti ena mark bebet e ti ador so zimaz. Ti zet bebet-la ek fos profet-la dan enn landrwa ranpli ar dife ki brile kouma souf.