Mt 22:16 - Nouvo Testaman Kreol Morisien Harmonisation NTPS KM

¹⁶ Alor, zot avoy zot bann disip, ansam avek bann Erodien pou al get Zezi. Bann-la dir li, “Met, nou kone ki to sinser, seki to ansegne lor lalwa Bondie li vre, e to pa les twa inflianse par personn parski to tret tou dimounn parey.

Nouvo Testaman dan Kreol Morisien

¹⁶ Alor, zot avoy zot bann disip, ansam avek bann Erodien pou al get Zezi. Bann la dir li, “Met, nou kone ki to sinser, seki to ansegne lor lalwa Bondie li vre, e to pa les twa inflianse par personn parski to tret to dimoun parey.

Mt 22:16 Iomraidhean Croise

Psom 12:2

Dimounn partou nek koz manti; zot flate ar doub langaz pou tronp zot prosin.

Psom 5:9

Pa kapav fer konfians seki sorti dan labous mo lennmi; zot lespri ranpli ar destriksion; zot lagorz kouma tonbo ouver; zot lalang servi pou tronp dimounn.

Psom 55:21

So parol ti dou kouma dimiel me ti ena fiel dan so leker pou lager. So parol ki ti paret kouma lapomad ti an-verite enn kouto ki bien fite.

Proverb 29:5

Dimounn ki nek met so vwazin dan siro, pe rod met vwazin-la dan leto.

Mt 22:24

“Met, Moiz ti dir, ‘Si enn zom mor san zanfan, so frer bizin marye ar so fam pou donn li enn desandan.

Mt 22:26

Deziem-la fer parey, e mem zafer ariv trwaziem-la ek tou lezot.

Mt 26:18

Li dir, “Al dan lavil kot intel, e dir li, ‘Lemet dir, mo letan pe aprose; mo pou manz Pak kot twa avek mo bann disip.’ ”

Mt 26:49

Zida koste ar Zezi e li dir li, “Shalom Met.” E li anbras Zezi.

Mk 10:17

Letan Zezi ti pe sorti pou ale, enn dimounn galoupe, vini, tom dan so lipie e dimann li, “Met, twa ki bon, ki mo bizin fer pou gagn lavi eternel an-eritaz?”

Mk 12:13

Zot avoy de-trwa Farizien ek Erodien lor Zezi pou vir so koze anba-lao.

Mk 12:14

Zot vini e zot dir li, “Met, nou kone ki to koz fran, to pa les dimounn inflians twa, to pa ziz dimounn dapre so laparans me to montre sime Bondie dapre laverite; eski dapre lalwa nou bizin pey tax Sezar, wi ou non? Bizin peye, pa bizin peye?”

Mk 3:6

Kouma bann Farizien tom deor, zot fer enn konplo avek bann Erodien pou touy Zezi.

Mk 8:15

Zezi averti zot, “Get bien, fer atansion ar levin bann Farizien ek levin Erod.”

Lk 20:21

Alors zot poz li enn kestion, “Met, nou kone ki to parol e to lansegnman zot bien drwat; to pa get dapre figir dimounn, me to ansegn sime Bondie dapre laverite.

Lk 7:40

Zezi dir li, “Simon, mo ena enn kestion pou poz twa.” Li dir Zezi, “Koze Met.”

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 18:37

Lerla Pilat dir, “Alors to enn lerwa?” Zezi reponn, “Twa ki pe dir. Mo finn ne, mo finn vinn dan lemond pou enn sel rezon: rann temwaniaz laverite. Tou dimounn ki dan laverite, ekout mo lavwa.”

Zn 7:18

Dimounn ki koz lor so prop nom, li pe rod so prop laglwar; me dimounn ki rod laglwar Sa-Enn ki finn avoy li la, li dan laverite e pena okenn foste dan li.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Ko 5:16

Alor depi aster nou nepli konsider okenn dimounn dapre manier imin. Mem si avan nou ti konsider Lekris dan enn manier imin, nou pa get li koumsa aster-la.

Ga 1:10

Aster-la, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

Ga 2:6

Me pou seki konsern dimounn ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimounn-la pa finn inpoz nanye nouvo ar Bonn Nouvel ki mo anonse.

1 Tes 2:4

Okontrer, parey kouma Bondie finn konfie nou so Bonn Nouvel, nou pa koze pou fer plezir bann imin me pou fer plezir Bondie ki teste nou leker.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.