Mt 11:6 - Nouvo Testaman Kreol Morisien Harmonisation NTPS KM

⁶ Bienere, sa dimounn ki pa tom dan pese akoz mwa.”

Nouvo Testaman dan Kreol Morisien

⁶ Bienere, sa dimoun ki pa tom dan pese akoz mwa.”

Mt 11:6 Iomraidhean Croise

Psom 119:1

Bienere bann ki amenn enn lavi san repros, ki viv dapre lalwa LESEGNER.

Mt 13:21

Me pena rasinn dan li e laparol res dan li pou enn ti moman; me ler persekision ek lezot problem vini akoz laparol, so lafwa tom enn sel kout.

Mt 18:7

Maler pou lemond akoz bann kiksoz ki fer dimounn tom dan pese. Sa bann kiksoz-la zot inevitab, me malere sa dimounn ki responsab tousala.

Mt 24:10

Boukou pou abandonn zot lafwa, dimounn pou trayir ek ayir zot kamarad.

Mt 26:31

Zezi dir ar so bann disip, “Lanwit kot zot tou pou tonbe akoz mwa finn arive. Dan Lekritir finn ekrir, ‘Mo pou touy berze, e bann mouton pou fane partou kote.’ ”

Mt 5:29

Si to lizie drwat antrenn twa dan lemal, tir li, zet li; li preferab ki to perdi enn parti to lekor, ki antie to lekor al dan lanfer.

Mk 6:3

Pa limem sarpantie, garson Marie, frer Zak, Zoze, Zid ek Simon? Pa so bann ser mem ki res isi dan landrwa?” Zot ti skandalize par so manier.

Lk 2:34

Simeon beni zot, e li dir Marie, mama Zezi, “Sa garson-la pou abes ouswa pou relev boukou dan Izrael, li enn sign Bondie, ki ena dimounn pou konteste.

Lk 7:23

Bienere seki pa tonbe akoz mwa.”

Zn 16:1

“Mo finn dir zot tousala pou ki zot pa abandonn zot lafwa.

Zn 6:66

Depi sa moman-la, boukou parmi so bann disip tourn ledo e nepli mars ar li.

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

Ga 5:11

Me si mwa mo ankor pe pres sirkonsizion, alor kifer zot pe persekit mwa? Dan sa ka-la, Lekris lor lakrwa nepli enn skandal.

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.