Mt 10:1 - Nouvo Testaman Kreol Morisien Harmonisation NTPS KM

¹ Zezi apel so douz disip e li donn zot pouvwar pou sas bann move lespri ek geri tou sort kalite maladi ek infirmite

Nouvo Testaman dan Kreol Morisien

¹ Zezi apel so douz disip e li donn zot pouvwar pou sas bann move lespri ek geri tou sort kalite maladi ek infirmite

Mt 10:1 Iomraidhean Croise

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 26:20

Aswar, li asiz omilie Ledouz,

Mt 26:47

Zezi ti pe koze, kan Zida, enn parmi Ledouz, vini avek enn lafoul dimounn ki ti arme ar lepe ek gourdin. Bann sef pret ek ansien parmi bann lepep finn avoy zot.

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Mt 6:13

Pa les nou tom dan tantasion Me tir nou dan lemal.’

Mt 9:35

Zezi ti al partou dan Galile, li ti pe ansegne dan zot sinagog, li ti pe proklam Bonn Nouvel Rwayom Bondie. Li ti geri bann dimounn ki ti ena tou sort kalite malad.

Mt 9:38

Alor, priye met rekolt pou avoy travayer”

Lk 10:19

Ekoute, mo finn donn zot lotorite pou mars lor serpan, lor skorpion e lor lennmi ki bien for; nanye pa kapav fer zot dimal.

Lk 21:15

Parski mo pou donn zot bann parol e enn sazes ki okenn adverser pa pou kapav reponn ek kontredir.

Lk 24:49

Aster-la mo avoy lor zot seki mo Papa finn promet. Res Zerizalem ziska ki zot resevwar pwisans ki sorti lao.”

Lk 6:13

Letan barlizour leve, li apel so bann disip, e li swazir douz parmi zot, li donn zot nom zapot.

Zn 17:2

Vremem, to finn donn li pouvwar lor tou dimounn e li finn donn lavi eternel tou seki to finn konfie li.

Zn 3:27

Zan reponn zot, “Personn pa kapav gagn okenn pouvwar si lesiel pa finn donn li.

Zn 3:35

Papa-la kontan so Garson e li finn met tou dan so lame.

Zn 6:70

Zezi reponn zot, “Eski mo pa finn swazir zot Ledouz? Pourtan enn parmi zot enn diab.”

Zistwar Bann Zapot 1:8

Me zot pou gagn enn lafors kan Lespri Sin pou desann lor zot, lerla zot pou vinn mo temwin dan Zerizalem, dan Zide ek Samari e partou lor later.”

Zistwar Bann Zapot 19:15

Enn zour move lespri ti reponn zot, “Zezi mo kone, e Pol osi mo kone; me zot ki zot ete?”

Revelasion 12:1

Enn gran sign paret dan lesiel: enn fam ki ti abiye avek soley, lalinn anba so lipie, e lor so latet enn kouronn douz zetwal.