Mt 1:1 - Nouvo Testaman Kreol Morisien Harmonisation NTPS KM

¹ Ala lalis bann anset Zezi Kris, desandan David ek Abraam.

Nouvo Testaman dan Kreol Morisien

¹ Ala lalis bann anset Zezi Kris, desandan David ek Abraam.

Mt 1:1 Iomraidhean Croise

Psom 132:11

LESEGNER ti fer enn promes ar David, promes ki li pa pou renie: “Enn to bann garson pou vinn lerwa e li pou regne apre twa.

Psom 89:3

To ti dir, “Mo finn fer enn lalians ar enn dimounn ki mo finn swazir. Ala ki mo finn promet mo serviter David:

Psom 89:36

So tronn pou touletan ena eritie; mo pou vey so rwayom tanki soley briye;

Mt 1:18

Ala kouma Zezi Kris ti ne. So mama Marie ti fiyanse avek Zozef. Avan ki zot ti koumans viv ansam Marie finn trouv li ansint par laksion Lespri Sin.

Mt 1:2

Abraam ti papa Izaak. Izaak ti papa Zakob. Zakob ti papa Zida ek so bann frer.

Mt 15:22

Enn fam Kananeenn ki sorti dan sa rezion-la koumans kriye, “Pitie mwa Segner, Garson David! Mo tifi, li extra posede par enn demon.”

Mt 3:16

Alor Zan aksepte. Zis kouma Zezi fini batize, li sorti dan dilo; lesiel fann an-de e Lespri Sin parey kouma enn kolonb desann lor li.

Mt 9:27

E ler Zezi al inpe pli lwin, de aveg swiv li, zot kriye bien for, “Pitie nou, garson David”

Lk 1:33

e li pou regn touletan lor desandan Zakob; so regn pa pou fini zame.”

Zn 7:42

Eski Lekritir pa finn dir ki Lekris enn desandan David e ki li pou sorti dan vilaz Betleem kot David ti reste?

Zistwar Bann Zapot 2:30

Parski li ti enn profet, li ti kone ki Bondie ti promet li par enn serman ki enn zour enn so desandan pou asiz lor so tronn.

Let pou Romin 1:3

Bonn Nouvel ki konsern so Garson, ki desandan David antan ki enn imin,

Let pou Romin 4:13

Bondie ti promet Abraam ek so bann desandan ki zot pou erit later antie. Sa promes-la pa ti fer lor baz ki Abraam ti obeir lalwa, me akoz lafwa ki li ti ena dan Bondie. Sa finn rann li zis devan Bondie.

Let pou Romin 9:5

zot desandan bann patriars, e Zezi, kouma enn imin, sorti dan zot ras, limem ki lao tou. Nou beni Bondie pou leternite! Amen.

Ga 3:16

Bondie finn fer promes ar Abraam ek so desandan. Li pa finn dir, “Ek so bann desandan,” koumadir li pe koz lor boukou desandan; me li dir, “Ek to desandan,” setadir Lekris.

1 Tim 2:5

Kouma ena enn sel Bondie, ena osi enn sel mediater ant Bondie ek limanite, Zezi Kris limem enn imin

2 Tim 2:8

Zame bliye Zezi Kris. Li finn resisite. Li finn pran nesans dan fami David, so anset. Samem Bonn Nouvel ki mo anonse.

Revelasion 22:16

“Mwa, Zezi, mo finn avoy mo anz kot bann Legliz ar sa temwaniaz-la: ‘Mo enn desandan David, zetwal ki briye gramatin.’ ”