Mk 2:20 - Nouvo Testaman Kreol Morisien Harmonisation NTPS KM

²⁰ Enn zour pou arive, kot nouvo marye nepli pou la avek zot, lerla zot ava gard karem.

Nouvo Testaman dan Kreol Morisien

²⁰ Enn zour pou arive, kot nouvo marye nepli pou la avek zot, lerla zot va gard karem.

Mk 2:20 Iomraidhean Croise

Psom 45:11

Lerwa atire par ou bote; akoz li ou segner, rann li loner e obeir li.

Mt 26:31

Zezi dir ar so bann disip, “Lanwit kot zot tou pou tonbe akoz mwa finn arive. Dan Lekritir finn ekrir, ‘Mo pou touy berze, e bann mouton pou fane partou kote.’ ”

Mt 9:15

Zezi dir zot, “Eski zot panse ki bann invite dan maryaz kapav an-dey pandan ki nouvo marye ankor avek zot? Enn zour pou arive kot nouvo marye pou ale, lerla zot pou fer karem.

Mk 2:19

Zezi reponn, “Eski bann invite dan maryaz kapav gard karem kan nouvo marye ankor avek zot? Tan ki nouvo marye avek zot, zot napa pou kapav gard karem.

Mk 2:21

Personn pa pran enn bout latwal ki pankor retresi pou rakomod enn vie linz; si fer sa, bout latwal nef la pou ris sa vie linz-la kat kote, li pou plis desire.

Lk 17:22

Lerla li dir so bann disip, “Zour pe vini kot zot pou anvi trouv Garson Limanite, e zot pa pou trouv li.

Lk 5:35

Pou ariv enn zour kot nouvo marye pou nepli la, lerla zot ava gard karem.”

Zn 12:8

Bann pov, pou ena touzour parmi zot me mwa mo pa pou touzour ar zot.”

Zn 13:33

Mo bann zanfan, mo pou avek zot pou enn tigit letan ankor; zot pou rod mwa me seki mo finn dir bann Zwif, mo pe dir zot li aster-la, ‘La kot mo pe ale, zot pa kapav vini.’

Zn 16:28

Mo sorti kot mo Papa e mo finn vinn dan lemond; mo pe kit lemond e mo pe retourn kot mo Papa.”

Zn 16:7

Me mo pe dir zot laverite, li dan zot lavantaz ki mo ale; parski si mo pa ale, Sa-Enn ki pou defann zot la, pa pou vinn ar zot; me si mo ale, mo pou avoy li.

Zn 17:11

Mo nepli dan lemond alors ki zot ankor dan lemond; mwa mo pe vinn kot twa. Bondie sin, mo Papa! Protez zot par pouvwar ki to finn donn mwa. Lerla zot pou vinn enn sel kouma nou.

Zn 17:13

Aster-la mo pe vinn kot twa e mo pe dir tousala dan lemond pou ki zot leker deborde ar mo lazwa.

Zn 3:29

Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad-la dan lazwa letan li tann lavwa nouvo marye. Akoz samem aster, mo lazwa li bien-bien gran.

Zistwar Bann Zapot 1:9

Kouma Zezi ti fini koze, li ti mont dan ler e li disparet dan enn niaz.

Zistwar Bann Zapot 14:23

Pol ek Barnabas ti nom bann ansien dan sak Legliz, ar lapriyer e apre ki zot ti gard enn peryod zenn; zot ti konfie bann-la Lesegner, dan ki zot ti met tou zot konfians.

Zistwar Bann Zapot 3:21

Aster-la li bizin res dan lesiel ziska ki seki Bondie finn anonse bien-bien lontan par so bann sin profet, realize.

1 Ko 7:5

Pa refiz ena relasion ansam, amwin ki zot dakor pou enn timama pou zot konsakre zot pou lapriyer.

2 Ko 11:2

Mo ena zalouzi pou zot, otan ki Bondie ena. Mo ti finn promet pou marye zot ar enn sel mari, Lekris, e mo dezir prezant zot ar li kouma enn zennfi vierz.

2 Ko 11:27

Mo finn konn travo penib ek bann leprev bien dir; souvan mo finn pas lanwit san somey; mo finn pas par lafin, par laswaf; souvan mo pa finn ena manze ditou, dan freser, san linz.

2 Ko 6:5

bate, prizon, rayot, fatig travay, mank somey, res san manze.

Revelasion 19:7

Anou rezwir, anou selebre, anou rann laglwar Bondie! parski maryaz Agno finn arive, nouvel-marye finn fini prepar li.

Revelasion 21:9

Apre sa, enn parmi sa set anz ki ti ena set koup ranpli ar set dernie fleo la, vini e li dir mwa, “Vini, mo pou montre twa fianse-la, limem ki pou marye avek Agno.”