Mk 12:28 - Nouvo Testaman Kreol Morisien Harmonisation NTPS KM

²⁸ Enn dokter lalwa ti pe tann zot diskite e li ti trouve kouma Zezi ti pe bien reponn zot; li aprose, li poz Zezi enn kestion, “Ki premie dan tou bann komannman?”

Nouvo Testaman dan Kreol Morisien

²⁸ Enn dokter lalwa ti pe tann zot diskite e li ti trouve kouma Zezi ti pe bien reponn zot; li aprose, li poz Zezi enn kestion, “Ki premie dan tou bann komannman?”

Mk 12:28 Iomraidhean Croise

Mt 19:18

Li dir li, “Ki sa bann komannman-la?” Zezi dir li, “Pa touye, pa komet adilter, pa kokin, pa fer fos temwaniaz,

Mt 23:23

Maler lor zot, dokter lalwa ek Farizien ipokrit. Zotmem pey ladim lor bann zepis kouma lamant, ditin ek fenouy, me zot negliz seki pli inportan dan lalwa, lazistis e mizerikord ek fidelite.

Mt 5:19

Si kikenn kas enn pli tipti sa bann komannman-la ek ansegn lezot pou fer parey, li pou konsidere kouma pli piti dan lesiel, me kikenn ki pratik ek ansegn sa bann komannman-la li pou konsidere kouma gran dan lesiel.

Mk 9:14

Kan zot rezwenn lezot disip, zot trouv enn gro lafoul pe antour bann-la; bann dokter lalwa ti pe diskit ar zot.

Lk 11:42

Maler lor zot bann Farizien! Zot donn enn diziem prodwi zot zardin kouma lamant, kotomili e tou kalite legim; me zot bliye lazistis ek lamour Bondie; pourtan samem ki zot ti bizin fer san bliye leres.

Lk 20:39

De-trwa dokter lalwa ki ti la dir, “Met, to finn bien koze.”