Mk 11:14 - Nouvo Testaman Kreol Morisien Harmonisation NTPS KM

¹⁴ Alor li dir sa pie fig-la, “Zame ankor personn pou manz to fri!” So bann disip tann sa koze-la.

Nouvo Testaman dan Kreol Morisien

¹⁴ Alor li dir sa pie fig la, “Zame ankor personn pou manz to fri!” So bann disip tann sa koze la.

Mk 11:14 Iomraidhean Croise

Mt 21:19

Li trouv enn pie fig dan bor sime e li al pre ar li, me li pa trouv okenn fri, me zis bann fey. Alor li dir pie fig-la: “To nepli pou donn fri ankor” Enn sel kou pie fig sek.

Mt 21:33

“Ekout enn lot parabol,” Zezi dir, “Ti ena enn proprieter ki ti plant enn karo rezin, li antour li avek enn baraz, li fouy enn trou pou instal enn preswar, e li aranz enn mirador. Li lwe li ar bann travayer e li al dan enn lot pei.

Mt 21:44

Dimounn ki tom lor sa ros-la pou kas-kase e si ros-la ki tom lor kikenn, li pou vinn lapousier.

Mt 3:10

Aster-la mem laserp finn fini pare pou koup bann pie depi zot rasinn. Tou bann pie ki pa raport bon fri pou koupe zet dan dife.

Mt 7:19

Tou bann zarb ki pa donn bon fri, pou koupe e zet dan dife.

Mk 11:13

Depi lwin li trouv enn pie fig kouver ar fey; li aprose pou gete si li trouv kiksoz pou manze. Letan li vinn pre ar li, li pa trouv nanye, ti ena zis feyaz parski pa ti ankor sezon fig.

Mk 11:15

Letan zot ariv Zerizalem, Zezi al direk dan Tanp. Li koumans farous tou bann marsan ek tou bann kliyan ki ti pe fer komers dan Tanp, li devir latab bann sanzer-kas anba-lao e li ranvers sez bann marsan pizon.

Zn 15:6

Si kikenn pa res ar mwa, pou zet li deor parey kouma fer ek enn brans ki pa raporte; lerla li pou sek. Dimounn ramas sa bann brans-la, zet zot dan dife e zot brile.

2 Pi 2:20

Ofet dimounn ki finn kapav sap dan bann move inflians lemond akoz zot finn konn Zezi Kris, nou Segner ek Sover, apre zot remay dan lak, zot sitiasion pou vinn pir ki avan.

Revelasion 22:11

Les bann ki move kontigne fer plis dimal, bann ki moralman koronpi kontign dan zot pouritir, e bann ki zis kontign pratik lazistis, e bann ki viv lavi sin kontign vinn pli sin.