Lk 8:8 - Nouvo Testaman Kreol Morisien Harmonisation NTPS KM

⁸ Inpe tom dan bon later, e kan zot grandi, zot prodir san fwa plis.” Letan li fini dir sa, li dir avek otorite, “Seki ena zorey pou tande, li ava tande!”

Nouvo Testaman dan Kreol Morisien

⁸ Inpe tom dan bon later, e kan zot grandi, zot prodwir san fwa plis.” Letan li fini dir sa, li dir avek otorite, “Seki ena zorey pou tande, li a tande!”

Lk 8:8 Iomraidhean Croise

Proverb 20:12

LESEGNER finn donn nou lizie pou gete, ek zorey pou ekoute.

Proverb 8:1

Ekoute! Lasazes pe kriye for-for; disernman pe lev so lavwa.

Mt 11:15

Seki ena zorey, ava tande.

Mt 13:23

Me seki finn seme dan bon later, li resanble sa dimounn ki tann laparol, konpran li bien e ki raport bann fri; ena raport san, enn lot swasant e enn lot bann trant.”

Mk 4:20

Seki tom lor bon later, vedir bann ki ekout parol Bondie, ki akey li. Zot finn raport trant, swasant ziska san fwa plis.”

Mk 4:23

Seki ena zorey pou tande, li pou tande.”

Mk 4:8

Enn lot parti tom dan bon later. Li pouse, li vinn gran, li raport bien-bien mem: ena donn trant, ena swasant, ena donn ziska san fwa plis.”

Mk 7:16

Si zot ena zorey pou ekoute, ekout bien!”

Lk 14:35

Lerla li pa bon ni pou later, ni pou fimie e bizin zet li. Ekout bien, seki ena zorey pou tande.

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

Lk 8:7

Inpe tom dan pikan, e kan pikan-la grandi ansam avek bann lagrin-la, li touf zot.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Revelasion 13:9

Seki ena zorey pou tande, ekout bien.

Revelasion 2:11

Si zot ena zorey ekout seki Lespri ena pou dir bann Legliz. Seki ranport laviktwar lor diab pa pou konn deziem lamor.”

Revelasion 2:7

Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 3:13

Seki ena zorey, ekout bien seki Lespri ena pou dir bann Legliz.”

Revelasion 3:6

Si zot ena zorey, ekout bien seki Lespri ena pou dir bann Legliz.”