Lk 8:10 - Nouvo Testaman Kreol Morisien Harmonisation NTPS KM

¹⁰ Li dir, “Zot, finn donn zot konesans sekre Rwayom Bondie; me ar lezot mo koz an parabol, koumsa ‘zot pou gete san trouve, e zot pou tande san konpran.’

Nouvo Testaman dan Kreol Morisien

¹⁰ Li dir, “Zot, finn donn zot konesans sekre Rwayom Bondie; me ar lezot mo koz an parabol, koumsa ‘zot pou gete san trouve, e zot pou tande san konpran.’

Lk 8:10 Iomraidhean Croise

Psom 25:14

LESEGNER ena lamitie pou seki obeir li e li konfirm so lalians ar so bann fidel.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

Mt 16:17

Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Mk 4:11

“Zot, finn fer zot konn sekre Rwayom Bondie. Pou bann seki andeor, tou pou res enn mister.

Mk 4:12

Koumsa zot kapav gete, me zot pa pou trouv nanye, Zot kapav tande me zot pa pou konpran nanye. Lerla zot pa pou kapav sanz zot leker e zot pa pou gagn okenn pardon.”

Zn 12:40

“Bondie finn rann zot lizie aveg, zot leker dir kouma ros, pou ki zot pa trouv kler avek zot lizie, pa konpran avek zot leker, lerla zot pa pou konverti e zot pa pou gagn zot gerizon.”

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

1 Ko 12:11

Tousala, aktivite enn sel e mem Lespri Bondie, e li akord sakenn enn don diferan dapre so volonte.

Let pou Kolosien 2:2

Mo anvi zot leker pran kouraz e reini dan lamour, pou ki zot gagn rises, konpreansion ek enn konesans total mister Bondie: sa mister-la se Lekris limem;

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.