Lk 12:1 - Nouvo Testaman Kreol Morisien Harmonisation NTPS KM

¹ Ti ena telman enn gran lafoul ki dimounn ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi.

Nouvo Testaman dan Kreol Morisien

¹ Ti ena telman enn gran lafoul ki dimoun ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi.

Lk 12:1 Iomraidhean Croise

Lk 11:44

Maler lor zot! Zot parey kouma bann tom ki dimounn pa remarke, e lor ki zot marse san kone!”

Lk 12:56

Ipokrit! Zot konpran ki pase lor later ek dan lesiel e zot konn dir ki letan pou fer me kifer zot pa konn interpret seki pe pase zordi?

Lk 5:1

Zezi ti pe dibout dan bor lamer Zenezaret. Lafoul ti pe pouse pou vinn pli pre ar li, pou ekout Parol Bondie.

Lk 5:15

Lerla koze lor Zezi fann dan tou kwin lari plis ankor; lafoul dimounn ramase pou ekout li e pou gagn zot gerizon.

Lk 6:17

Zezi desann ansam ar zot e li aret dan enn landrwa plat. Enn kantite disip ek enn gran lafoul dimounn ki vinn depi Zide, Zerizalem ek dan bor lakot Tir ek Sidon ti la osi.

Zistwar Bann Zapot 21:20

Ler zot ti tann sa, zot ti glorifie Bondie. Apre zot dir Pol, “Frer, get komie milie krwayan ena parmi bann Zwif e zot tou bien atase ar Lalwa.

1 Ko 15:3

Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

Eb 12:22

Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

1 Pi 2:1

Alor, rezet tou bann form mesanste ek trik, ipokrizi, zalouzi ek mansonz.