Ef 5:23 - Nouvo Testaman Kreol Morisien Harmonisation NTPS KM

²³ parski enn mari limem latet so fam, parey kouma Lekris sef Legliz. Lekris limem Sover Legliz ki so lekor.

Nouvo Testaman dan Kreol Morisien

²³ parski enn mari limem latet so fam, parey kouma Lekris sef legliz. Lekris limem Sover legliz ki so lekor.

Ef 5:23 Iomraidhean Croise

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

1 Ko 6:13

Ena enn koze ki dir, “Manze finn fer pou ranpli vant, vant finn fer pou manze,” me Bondie pou detrir toule-de. Nou pa kapav fer seki nou anvi avek nou lekor. Nou lekor li pou Lesegner, e Lesegner li pou nou lekor.

Ef 4:15

Okontrer, nou bizin koz laverite dan lamour pou ki dan tou domenn nou grandi dan Lekris, limem ki latet.

Ef 5:24

Alor bann madam bizin viv dan lobeisans devan zot mari, parey kouma Legliz viv dan lobeisans devan Lekris.

Let pou Kolosien 1:18

Li, li latet lekor Legliz. Li koumansman, Premie-ne parmi bann mor, pou ki li tenir so premie ran dan tou.

1 Tes 1:10

Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

Revelasion 19:7

Anou rezwir, anou selebre, anou rann laglwar Bondie! parski maryaz Agno finn arive, nouvel-marye finn fini prepar li.

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.