Ef 5:20 - Nouvo Testaman Kreol Morisien Harmonisation NTPS KM

²⁰ Dan nom nou Segner Zezi Kris, dir mersi Bondie Papa touletan e pou tou kiksoz.

Nouvo Testaman dan Kreol Morisien

²⁰ Dan nom nou Segner Zezi Kris, dir mersi Bondie Papa touletan e pou tou kiksoz.

Ef 5:20 Iomraidhean Croise

Psom 34:1

Touletan mo pou remersie LESEGNER; zame mo pa pou aret sant so louanz.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Zistwar Bann Zapot 5:41

Bann zapot ti kit lasal konsey leker kontan parski ti konsider zot dign pou gagn maltrete akoz nom Zezi.

Let pou Romin 1:8

Avan tou mo remersie mo Bondie, par Zezi Kris, pou zot tou, parski lemond antie pe koz zot lafwa.

1 Ko 1:4

Mo touletan dir Bondie mersi pou zot akoz sa lagras ki li finn donn zot dan Zezi Kris.

1 Ko 15:24

Lerla, lafin pou vini, letan li pou remet Rwayom dan lame Bondie, apre ki li finn fini detrir tou regn, otorite ek pouvwar.

Ef 5:4

Fode pena langaz obsenn, koze bet, ou vilger; okontrer zot bizin dir mersi Bondie.

Let pou Filipien 1:3

Sak fwa ki mo pans zot, mo remersie Bondie:

Let pou Filipien 4:6

Napa bizin zot trakase ditou, me dan ninport ki sitiasion, avek enn leker rekonesan, ofer zot lapriyer ek siplikasion Bondie.

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.

1 Tes 3:9

Ki manier nou kapav remersie Bondie pou zot pou tou sa lazwa ki nou finn santi devan Bondie akoz zot.

1 Tes 5:18

Rann gras dan ninport ki sirkonstans, parski samem volonte Bondie pou zot dan zot lavi avek Zezi Kris.

2 Tes 1:3

Nou bann frer ek ser, nou bizin touzour rann gras Bondie pou zot. Li bien ki nou fer sa, parski zot lafwa pe boukou grandi, e lamour ki sakenn ena ant zot pe osi grandi.

2 Tes 2:13

Nou bizin touzour pe rann gras Bondie pou zot bann frer ek ser, parski Bondie finn swazir zot depi koumansman mem pou sov zot par pouvwar Lespri e par zot krwayans dan laverite, pou fer zot vinn enn pep sin.

Eb 13:15

Alor anou kontign ofer Bondie nou louanz kouma enn sakrifis, setadir fri bann parol ki rekonet li kouma Segner.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.