Ef 4:25 - Nouvo Testaman Kreol Morisien Harmonisation NTPS KM

²⁵ Rezet mansonz. Koz laverite ar zot prosin, parski nou tou manb enn sel lekor.

Nouvo Testaman dan Kreol Morisien

²⁵ Rezet mansonz. Koz laverite ar zot prosin, parski nou tou manm enn sel lekor.

Ef 4:25 Iomraidhean Croise

Psom 119:29

Anpes mwa pran move sime e dan to bonte, ansegn mwa to lalwa.

Psom 15:2

Dimounn ki san repros, ki fer seki drwat, ki koz vre depi enn leker sinser,

Psom 52:3

e li kler to prefer lemal olie lebien; to prefer mansonz plis ki laverite.

Proverb 12:17

Enn temwin ki koz laverite amenn lazistis; mansonz enn move temwin nouri linzistis.

Proverb 12:19

Enn parol laverite res pou touzour; me enn parol mansonz res zis pou enn zour.

Proverb 12:22

LESEGNER deteste dimounn manter; me li apresie dimounn sinser.

Proverb 21:6

Larises ki to gagne kan to koz manti, li atir twa dan lamor e li disparet vit.

Proverb 24:28

Pa akiz to vwazin san rezon; pa bizin koz manti.

Proverb 8:7

Dan mo labous, laverite ki koule; mo lalev deteste tou koze mansonz.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Let pou Romin 12:5

Dan mem fason, nou ki plizir, nou form enn sel lekor dan linion avek Lekris e sakenn apartenir ar lezot.

1 Ko 10:17

Akoz ena enn sel dipin, nou tou nou enn sel lekor, parski nou tou nou partisip dan enn sel dipin.

2 Ko 7:14

Mo finn konplimant zot avek fierte ar Tit, e zot pa finn fer mwa perdi pwin. Me parey kouma tou kiksoz mo finn dir zot, li vre, dan mem fason eloz ki nou finn fer lor zot ar Tit, li vre.

Ef 4:15

Okontrer, nou bizin koz laverite dan lamour pou ki dan tou domenn nou grandi dan Lekris, limem ki latet.

Ef 4:22

Alor zot bizin abandonn zot ansien natir, manier zot ti pe viv avan e ki pouri par bann fos dezir.

Ef 4:31

Met dekote tou zot lamertim, zot koler, zot laraz, zot insilt, zot mesanste; tousala bizin disparet.

Ef 5:30

Nou manb so lekor.

Let pou Kolosien 3:8

Aster, zot bizin debaras tousala: lakoler, iritasion, mesanste, zoure ek bann move parol ki fransi zot lalev.

Let pou Kolosien 3:9

Fodepa ena mansonz ant zot, parski zot finn abandonn ansien natir, avek so bann pratik,

1 Tim 1:10

bann ki amenn move lavi, bann zom ki gagn relasion ant zot; lalwa finn fer pou bann marsan esklav, bann dimounn ki manter e ki zot parol pena valer, e pou tou bann ki komet aksion ki al kont vre lansegnman.

1 Tim 4:2

Pou ena predikater manter, bann ipokrit ki zot konsians finn nepli sansib, koumadir finn brile ar feray so.

Let pou Tit 1:12

Ena enn parmi, enn zot profet, ki finn dir, “Bann Kretwa enn bann manter; zot gourman ek pares kouma bebet!”

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Eb 12:1

Alor parski nou osi nou ena enn lafoul temwin otour nou, anou debaras tou fardo ki lor nou sime ki anpes nou bouze, ek pese ki pe pez lor nou. Anou galoup lekours ki finn met devan nou avek determinasion.

Let Zak 1:21

Alor, rezet tou zot move manier ek zot mesanste. Me dan limilite, akeyir parol ki Bondie finn plant dan zot leker, samem parol ki pou sov zot.

1 Pi 2:1

Alor, rezet tou bann form mesanste ek trik, ipokrizi, zalouzi ek mansonz.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”

Revelasion 22:15

Me andeor lavil ena bann lisien ek bann sorsie, bann dimounn imoral, kriminel, bann adorater idol ek tou bann ki kontan e pratik mansonz.