Ef 4:2 - Nouvo Testaman Kreol Morisien Harmonisation NTPS KM

² ar limilite, douser ek pasians. Ki zot soutenir zot kamarad avek amour.

Nouvo Testaman dan Kreol Morisien

² ar limilite, douser ek pasians. Ki zot soutenir zot kamarad avek amour.

Ef 4:2 Iomraidhean Croise

Psom 138:6

Mem to lao laba dan lesiel, to okip bann ti-dimounn anba e bann vantar to rekonet zot depi lwin.

Psom 45:4

Kouma enn gran lerwa, mars ver laviktwar pou defann laverite, limilite e lazistis. Ou pwisans pou demontre bann gran aksion.

Proverb 16:19

Preferab enn lavi sinp parmi bann pov, ki pran par dan rises mal-gagne bann orgeye.

Proverb 3:34

Li mepriz bann vantar ek bann arogan; me li donn so faver bann ki mars dan limilite.

Mt 11:29

Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

Mk 9:19

Zezi reponn zot, “Sa zenerasion-la, enn zenerasion ki pena lafwa; ziska kan mo pou res ar zot? Ziska kan mo pou siport zot? Amenn li ar mwa.”

Zistwar Bann Zapot 20:19

Mo finn servi Lesegner avek boukou imilite; boukou larm mo finn verse, ki kantite leprev mo finn pase akoz konplo bann Zwif.

Let pou Romin 15:1

Nou ki for dan lafwa, nou bizin ed bann ki feb, e pa zis rod seki fer noumem plezir.

1 Ko 13:7

Lamour touletan pe proteze, touletan pe fer konfians, touletan ena lesperans, touletan persevere.

Ga 6:2

Sakenn bizin ed so kamarad, lerla zot pou met an pratik lalwa Lekris,

Ef 1:4

Avan mem fondasion lemond li ti finn swazir nou pou limem par Lekris pou ki nou vinn sin ek san repros devan li.

Let pou Kolosien 1:11

Lafors so laglwar pou fortifie zot par tou fason e pou amenn zot ver enn perseverans ek enn pasians ki siport tou. Dan lazwa,

1 Tim 6:11

Me twa ki reprezant Bondie, evit tousala. Rod lazistis, latasman ar Bondie, lafwa, lamour, pasians ek douser.

2 Tim 2:25

Bizin repran bann adverser avek douser ek imilite. Bondie kapav sanz zot leker ek fer zot trouv laverite.

Let Zak 1:21

Alor, rezet tou zot move manier ek zot mesanste. Me dan limilite, akeyir parol ki Bondie finn plant dan zot leker, samem parol ki pou sov zot.

1 Pi 3:15

me dan zot leker onor Kris kouma zot Segner. Touletan zot bizin pare pou defann zot lafwa kan dimounn dimann zot explik lesperans ki dan zot;

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.