Ef 2:10 - Nouvo Testaman Kreol Morisien Harmonisation NTPS KM

¹⁰ Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Nouvo Testaman dan Kreol Morisien

¹⁰ Nou, nou louvraz Bondie, li finn fasonn nou, li finn kre nou dan Zezi Kris pouki nou realiz bann bonaksion ki Bondie finn prepare davans.

Ef 2:10 Iomraidhean Croise

Psom 100:3

Rekonet ki LESEGNER, limem Bondie. Li finn kree nou e nou pou li; nou so pep, so troupo dan so patiraz.

Psom 119:3

Zame zot pa fote; zot swiv sime ki li finn trase.

Psom 138:8

LESEGNER pou onor tou promes li finn fer pou mwa; SEGNER, to lamour infini li eternel. Kontign zoli travay ki to finn koumanse.

Psom 51:10

Bondie, kree an mwa enn leker pir ek prop renouvel an mwa enn lespri nouvo ek lwayal.

Psom 81:13

Si selman mo pep ti ekout mwa; si selman zot ti obeir mo instriksion.

Mt 5:16

Dan samem fason, les to lalimier briye devan tou dimounn, pou ki zot kapav trouv to bann bienfe e loue to Papa dan lesiel.

Zn 3:21

Me dimounn ki azir dan laverite vinn dan lalimier pou ki tou dimounn trouve ki so bann aksion koresponn ar volonte Bondie.”

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.

Let pou Romin 8:1

Aster-la pena okenn kondanasion pou bann dimounn ki dan Zezi Kris.

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

2 Ko 5:5

Bondie limem finn prepar nou pou sa, e finn donn nou so Lespri kouma enn garanti pou seki li rezerve pou nou.

2 Ko 9:8

Bondie ena pouvwar donn twa plis ki bizin, pou ki touletan to ena seki neseser, ek anplis pou to partaz dan bann bon aksion.

Ga 6:15

Ki enn dimounn sirkonsi ou pa, sa pena okenn linportans; seki inportan se enn nouvo kreasion.

Ef 1:1

Mwa Pol, enn zapot Zezi Kris par volonte Bondie, mo pe ekrir bann krwayan e bann fidel dan Zezi Kris.

Ef 1:4

Avan mem fondasion lemond li ti finn swazir nou pou limem par Lekris pou ki nou vinn sin ek san repros devan li.

Ef 2:13

Me aster dan linion avek Zezi Kris, zot ki lontan ti lwin, finn koste zot pre par disan Lekris.

Ef 2:15

Li finn aboli lalwa, ek so komannman ek so bann regleman. Li ti oule apartir Zwif ek non-Zwif kree enn nouvo pep dan linion avek li, ek etablir lape.

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Ef 2:6

Li finn resisit nou avek Lekris pou fer nou regne avek li lao dan lesiel.

Ef 4:1

Mwa ki prizonie parski mo servi Lesegner, mo sipliy zot viv enn lavi ki dign sa lapel ki zot finn gagne la,

Ef 4:24

Abiy zot avek enn nouvo natir, ki kree dapre resanblans Bondie dan vre lazistis e lapirte.

Let pou Filipien 1:6

Mo sir ki Bondie ki finn koumans enn bon travay dan zot la, pou kontigne travay-la ziska lafin, ziska zour Zezi Kris.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Let pou Kolosien 3:10

e zot finn adopte enn nouvo natir, ki pe kontign renouvle so konesans antan ki zimaz Bondie;

2 Tes 2:17

li ranpli zot leker avek kouraz e li akord zot lafors pou touzour pratik seki bien, par zot aksion ek zot parol.

1 Tim 2:10

Kouver zot plito ar bann bon aksion; koumsa mem enn fam fer kan li respekte Bondie.

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimounn, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bon aksion.

1 Tim 5:25

Mem zafer pou bann bon aksion, pou trouv zot klerman; mem seki pa tro vizib difisil pou kasiet.

1 Tim 6:18

Rekomann zot fer lebien. Zot bizin ris ar bon aksion, fer bann don ek partaze.

2 Tim 2:21

Koumsa mem, seki prezerv limem kont bann erer, li pou parey enn ki ena valer par so pirte. So met pou pran li bien swin ek li pou itil pou tou bann lokazion.

2 Tim 3:17

pou ki enn serviter Bondie li kalifie ek ekipe pou fer enn bon travay.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Tit 2:7

To pou enn lexanp pou zot dan manier ki to viv. Met serye ek sinserite dan to lansegnman.

Let pou Tit 3:1

Rapel tou dimounn ki zot bizin respekte bann dirizan ek bann otorite sivil. Zot bizin viv dan lobeisans ek fer bann bon aksion.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

Let pou Tit 3:8

Sa enn parol sir. Mo oule ki to met lanfaz lor sa bann kestion-la afin ki bann ki finn met zot lafwa dan Bondie, zot ena aker pou fer lebien devan tou dimounn, seki enn bon zafer an limem.

Eb 10:24

Anou panse kouma nou kapav ankouraz nou kamarad pou ena lamour ek pou fer dibien.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

1 Zn 2:6

Dimounn ki dir li ini avek li, bizin mars parey kouma li.