Ef 1:11 - Nouvo Testaman Kreol Morisien Harmonisation NTPS KM

¹¹ Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Nouvo Testaman dan Kreol Morisien

¹¹ Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Ef 1:11 Iomraidhean Croise

Psom 37:18

LESEGNER konn lavi bann ki obeir li e zot pou posed sa pei-la pou touzour.

Proverb 8:14

Mo donn bon konsey ek bon rezonnman, mo ena boukou pwisans ek disernman.

Zistwar Bann Zapot 13:48

Kan bann non-Zwif tann sa, zot ti dan lazwa e zot ti glorifie Bondie. Tou bann ki ti destine pou lavi eternel ti vinn krwayan.

Zistwar Bann Zapot 2:23

Dapre konesans ki Bondie ena davans, ek dapre so plan, sa zom-la finn livre dan zot lame, e zot finn touy li avek led bann move dimounn; zot finn krisifie li.

Zistwar Bann Zapot 20:27

Parski mo pa finn negliz nanye; okontrer mo finn anons zot plan Bondie an-antie.

Zistwar Bann Zapot 20:32

Aster-la mo remet zot dan lame Bondie. So parol montre so lagras ki kapav donn zot lafors. Sa lagras-la donn zot enn leritaz parmi bann ki li finn sanktifie.

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Zistwar Bann Zapot 4:28

Koumsa, zot finn realiz seki to lame ek to plan ti deside depi koumansman.

Let pou Romin 11:34

Kouma Lekritir dir: “Kisann-la konn panse Lesegner? Kisann-la kapav donn li konsey?

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Let pou Romin 8:28

Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Let pou Romin 8:30

Sa bann ki Bondie ti swazire davans la, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

Let pou Romin 9:11

E pourtan avan nesans bann zimo-la, avan mem ki enn ou lot ti fer kiksoz bon ou move, e pou ki Bondie so plan eleksion kontigne existe lor baz enn swa ki li fer

Ga 3:18

Si leritaz ki Bondie done, depann lor lalwa, li pa enn promes; me Bondie dan so lagras ti donn sa Abraam par enn promes.

Ef 1:14

Lespri Sin, li enn lavans lor leritaz ki Bondie rezerve pou so pep. Sa donn nou lasirans ki Bondie pou akord nou delivrans final. Anou donn li laglwar!

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Ef 1:5

Dan lamour li finn predestinn nou pou vinn so bann zanfan adoptif par Zezi Kris, dapre so volonte ek so plezir.

Ef 1:8

Bondie finn partaz so lagras an abondans ar nou e li finn ouver nou lespri e nou lintelizans.

Ef 1:9

Li finn fer nou konn mister so volonte, so plan ki li ti finn deside davans dapre so bon plezir pou realize par Lekris.

Ef 3:11

Tousala ti dapre plan eternel ki li finn realize par Zezi Kris nou Segner.

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

Let pou Kolosien 3:24

Parski zot kone ki leritaz zot pou resevwar an rekonpans ar Lesegner. Se Lekris ki Lemet, e zot pe servi li.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Tit 3:7

e kan li rann nou zis par lagras, nou gagn dan lesperans leritaz lavi eternel.

Eb 6:17

Alor kan Bondie anvi montre so bann eritie ki pou resevwar so promes ki so desizion pa kapav kase ditou, li fer enn serman.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

1 Pi 1:4

enn leritaz ki finn rezerve pou zot dan lesiel, ki pa pou disparet, ni gate oubien fletri.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.