Eb 9:12 - Nouvo Testaman Kreol Morisien Harmonisation NTPS KM

¹² Li finn rant enn fwa pou tou dan sanktier, non pa avek disan bouk oubien toro, me avek so prop disan. Koumsa mem li finn delivre nou pou touletan.

Nouvo Testaman dan Kreol Morisien

¹² Li finn rant enn fwa pou tou dan sanktyer, non pa avek disan bouk oubien toro, me avek so prop disan. Koumsamem li finn delivre nou pou toultan.

Eb 9:12 Iomraidhean Croise

Mk 3:29

enn sel blasfem pa pou pardone, blasfem kont Lespri Sin. Li enn pese ki zame pou efase.”

Lk 1:68

“Lesegner Bondie Izrael merit nou louanz parski li finn vizit so pep e li finn vinn delivre li.

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Let pou Kolosien 1:14

li finn delivre nou e li finn pardonn nou pese.

1 Tes 1:10

Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Eb 10:19

Mo bann frer ek ser, nou ena enn liberte aster-la pou rant dan sanktier par disan Zezi.

Eb 10:4

parski disan toro ek bouk pa pou zame kapav efas pese.

Eb 13:12

Pou sa rezon-la, Zezi ti mor andeor lavil pou pirifie lepep avek so prop disan.

Eb 5:9

E sa finn rann li parfe e li finn vinn lasours enn delivrans eternel pou tou dimounn ki obeir li.

Eb 7:27

Li pa kouma lezot gran pret, li pa bizin ofer sakrifis toulezour, dabor pou so prop pese apre pou pese lepep. Sa li finn fini fer enn sel fwa pou tou, kan li finn ofer limem an sakrifis.

Eb 9:13

Avredir si nou fann disan bouk ek toro, oubien lasann enn zenis lor dimounn pou pirifie zot,

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Eb 9:15

Ala kifer li mediater enn nouvo lalians, pou ki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

Eb 9:19

Apre ki Moiz ti prezant lepep tou bann komannman dapre lalwa, li ti pran disan ti toro ek bouk, avek delo e li ti servi enn fey lizop ek enn bout lalenn rouz pou fann sa lor liv lalwa ek lor tou dimounn.

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

Eb 9:7

Me dan deziem parti, selman gran pret ki ti rant laba enn fwa par an. Li bizin amenn avek li disan ki li ofer pou limem ek pou bann fot ki lepep finn komet involonterman.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.