Eb 7:19 - Nouvo Testaman Kreol Morisien Harmonisation NTPS KM

¹⁹ parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Nouvo Testaman dan Kreol Morisien

¹⁹ parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Eb 7:19 Iomraidhean Croise

Psom 73:28

Mwa mo kone kouma li bon kan nou pre ar Bondie; Mo finn swazir Lesegner BONDIE pou protez mwa; mo pou proklam tou to bann bienfe.

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zistwar Bann Zapot 13:39

Par Zezi tou dimounn ki krwar pe gagn liberasion so bann pese ki lalwa Moiz pa ti kapav fer.

Let pou Romin 5:2

Akoz nou ena lafwa dan Lekris, li finn fer nou gagn akse ar lagras Bondie, e nou viv dan lexperyans sa lagras-la. Nou met nou fierte dan lesperans ki nou partaz laglwar Bondie.

Let pou Romin 7:7

Ki nou kapav dir alor? Eski nou pou dir ki lalwa pese? Pena sime! Mo pa ti pou kone ki savedir pese si pa ti ena lalwa. Mo pa ti pou kone ki savedir konvwatiz si lalwa pa ti dir, “Pa dezir kiksoz lezot dimounn.”

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

Ga 2:16

Pourtan nou kone ki enn dimounn pa zistifie par pratik lalwa me par so lafwa dan Zezi Kris. Nou osi, nou finn krwar dan Zezi Kris, pou ki nou zistifie par Zezi Kris, e pa par pratik lalwa, parski personn pa zistifie parski li pratik lalwa.

Ga 3:21

Eski lalwa li kont promes Bondie? Pa ditou! Parski si donn enn lalwa ki ena pouvwar donn lavi, alor bien sir kapav vinn zis devan lizie Bondie par lalwa.

Ga 3:24

Alors lalwa ti nou gardien ziska Lekris vini, pou ki nou vinn zis par lafwa devan Bondie.

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

1 Tim 1:1

Mwa, Pol, mo finn vinn zapot Zezi Kris gras-a promes Bondie nou Sover ek Zezi Kris nou lesperans.

Eb 10:1

Lalwa li nek enn lonbraz bann vre kitsoz ki pou vini apre e li pa enn reprezantasion exak sa bann kitsoz-la. Li pa kapav pirifie bann ki apros zot ar Bondie malgre ti pe ofer sakrifis lor sakrifis, lane apre lane.

Eb 11:40

Ofet Bondie finn prevwar kitsoz meyer pou nou, pou ki selman ansam ar nou, zot pou vinn parfe.

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimounn ki rod li.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Eb 6:18

Bondie pa koz manti. Alor so promes ek so serman, se de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

Eb 7:11

Lor baz pretriz Levitik ki lepep Izrael ti gagn lalwa; si perfeksion ti posib par sa pretriz-la, kiserti atann enn lot pret dapre Melkisedek, si ena enn dapre Aaron?

Eb 7:20

Anplis ena osi serman Bondie. Lezot ki finn vinn pret pa finn fer okenn serman.

Eb 7:25

Alor, samem li kapav sov dimounn ki vinn kot Bondie atraver li, parski li touzour vivan pou pled dan zot faver.

Eb 8:6

Me, avredir Lekris finn resevwar enn minister ankor pli siperyer, parski dan sa pozision-la, limem mediater enn meyer lalians, baze lor bann meyer promes.

Eb 9:9

Sa enn sinbol pou letan aster, pou montre ki sakrifis ki pe ofer pa pirifie dimounn ki pe ofer li.

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.