Eb 3:19 - Nouvo Testaman Kreol Morisien Harmonisation NTPS KM

¹⁹ Kouma nou finn trouve, sa bann-la pa ti kapav rant dan sa plas repo-la, parski zot pa ti ena lafwa.

Nouvo Testaman dan Kreol Morisien

¹⁹ Kouma nou finn trouve, sa bann la pa ti kapav rant dan sa plas repo la, parski zot pa ti ena lafwa.

Eb 3:19 Iomraidhean Croise

Psom 106:24

Lerla zot rezet enn pei merveye parski zot nepli fer konfians promes Bondie.

Mk 16:16

Dimounn ki krwar ek resevwar batem pou sove, me dimounn ki pa krwar pou kondane.

Zn 3:18

Dimounn ki krwar dan li, pa pou kondane me dimounn ki pa krwar, finn fini kondane parski li pa krwar dan Sel Garson Bondie.

Zn 3:36

Dimounn ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Let pou Romin 11:23

Bann-la osi parey. Si zot pa kontign persiste dan zot infidelite, Bondie pou gref zot la kot zot ti ete avan. Bondie kapav donn zot plis ankor.

2 Tes 2:12

Alor, tou dimounn ki pa krwar dan laverite e pran plezir dan seki mal, li pou kondane.

Eb 3:12

Pran kont, mo bann frer, mo bann ser, pou ki personn parmi zot pa ena enn leker move ek dezobeisan, ki kapav separ li avek Bondie vivan.

1 Zn 5:10

Dimounn ki krwar dan Garson Bondie, li ena sa temwaniaz-la dan so leker. Dimounn ki pa krwar dan Bondie, li finn fer li pas pou enn manter, parski li pa finn krwar temwaniaz ki Bondie finn done lor so Garson.

Let Zid 1:5

Mem si zot konn tousala, mo anvi rapel zot kouma Lesegner finn sov so pep depi later Lezip enn fwa pourtou, me pli tar li ti detrir bann ki pa ti krwar.