Eb 2:2 - Nouvo Testaman Kreol Morisien Harmonisation NTPS KM

² Si mesaz ki bann anz ti amene lontan ti valid e tou dimounn ki pa ti respekte ek obeir mesaz-la, zot ti gagn pinision ki zot ti merite;

Nouvo Testaman dan Kreol Morisien

² Si mesaz ki bann anz ti amene lontan ti valid e tou dimoun ki pa ti respekte ek obeir mesaz la, zot ti gagn pinision ki zot ti merite;

Eb 2:2 Iomraidhean Croise

Psom 68:17

Ar mil milie saryo pwisan, milie lor milie, Lesegner desann depi Sinai ziska landrwa sakre.

Zistwar Bann Zapot 7:53

Zot finn resevwar lalwa par bann anz me zot pa finn obeir li.”

Ga 3:19

Pou kifer lalwa alor? Lalwa finn azoute pou fer kone ki pese ete. Rol lalwa reste ziska larive sa desandan pou ki sa promes-la finn fer. Bann anz finn amenn lalwa par enn mediater.

Eb 1:1

Dan lepase, Bondie ti koz boukou fwa ar nou bann anset atraver bann profet, dan diferan manier ek diferan fason.

Eb 10:28

Dimounn ki dezobeir lalwa Moiz pou konn lamor san pitie si finn trouv li koupab par de ou trwa temwin.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 11:26

Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimounn ki rod li.

Eb 12:25

Tansion! Pa refiz ekout dimounn ki pe koz ar zot. Bann ki ti refiz ekout seki ti pe averti zot lor later, pa ti sove. Alor ena plis rezon pou krwar ki nou pa pou kapav sape, si nou rezet seki pe averti nou depi lesiel.

2 Pi 1:19

Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

Let Zid 1:5

Mem si zot konn tousala, mo anvi rapel zot kouma Lesegner finn sov so pep depi later Lezip enn fwa pourtou, me pli tar li ti detrir bann ki pa ti krwar.