Eb 13:5 - Nouvo Testaman Kreol Morisien Harmonisation NTPS KM

⁵ Ki lamour pou larzan pa determinn zot lavi, kontant zot avek seki zot ena, parski Bondie finn dir “Zame mo pa pou kit twa, ni abandonn twa.”

Nouvo Testaman dan Kreol Morisien

⁵ Ki lamour pou larzan pa determinn zot lavi, kontant zot avek seki zot ena, parski Bondie finn dir “Zame mo pa pou kit twa, ni abandonn twa.”

Eb 13:5 Iomraidhean Croise

Psom 10:3

Move dimounn li fier so prop move dezir; dimounn gourman li modi LESEGNER e li pena respe pou li.

Psom 119:36

Olie fer mwa anvi vinn ris, ranpli mo leker ar dezir pou obeir to lalwa.

Psom 37:25

Aster mo vie; mo finn viv bien lontan; e zame, ou tande, zame mo finn zwenn enn fidel ki LESEGNER finn abandone; zame mo finn trouv so bann zanfan mandie dipin.

Psom 37:28

parski LESEGNER kontan drwatir e li pa abandonn so serviter fidel. Zot gagn so proteksion touletan me desandan move dimounn pou perdi tou.

Proverb 23:4

Aret touy lekor pou vinn ris; les lasazes gid twa. Lerla, to pou kone kan bizin dir non.

Mt 6:19

Pa ramas trezor lor later, la kot lever ek larouy kapav detrir li, e kot voler kapav defonse pou kokin.

Mt 6:25

Akoz samem mo dir zot: pa fatig zot ar zot lavi, ar seki zot pou manze ou bwar, ar labiyman zot lekor. Eski lavi pa pli inportan ki manze, e lekor pa pli inportan ki linz?

Mt 6:34

Alor, pa bizin trakase pou dime, les dime vinn ar so dime. Traka enn zour li ase pou zordi.”

Mk 7:22

adilter, groker, fer vis, zwe malin, lamizman, met lizie, zoure, vantar, divage.

Lk 3:14

Bann solda ousi dimann li, “Be nou, ki nou bizin fer?” Li reponn zot, “Pa kokin personn, pa fer fos akizasion; kontant zot ar zot lapey.”

Lk 8:14

Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

Let pou Romin 1:29

Zot ranpli ar tou kalite linzistis, mesanste; zot gourman kiksoz lezot, zot ranpli ar lemal, zalouzi, lespri bagarer, fer krim, fer palab,

1 Ko 5:11

Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimounn koumsa.

1 Ko 6:10

voler, akaparer, soular, bann ki dir dimal lor Bondie ek bann eskro, pa erit Rwayom Bondie.

2 Ko 4:9

ena persekision, me nou pa abandone; zet nou parter, me nou pa konn destriksion.

Ef 5:3

Parski zot manb lepep Bondie, li pa korek ki zot koz lor bann size imoralite sexiel, inpirte, lanvi posed kiksoz ki pa pou zot.

Ef 5:5

Ala mo dir zot enn zafer ki sir: okenn dimounn imoral, indesan ou akaparer - sa enn form idolatri - pa pou gagn so par dan Rwayom Lekris ek Bondie.

Let pou Kolosien 3:5

Tou seki fer parti lavi lor later an zot, fer li mor: limoralite, inpirte, lavi bakanal, bann move dezir ek lamour larzan ki enn form idolatri.

1 Tim 3:3

Fode pa ki li enn soular, ni kontan lager, ni fer koze vinn long ek kontan larzan. Li bizin enn dimounn trankil ki pena enn lintere personel.

2 Pi 2:14

Zot lizie zis bon pou komet adilter e zot pa fatige fer pese. Zot antrenn dimounn feb dan piez. Zot leker finn bien antrene pou kontan kas. Malediksion lor zot.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Let Zid 1:11

Maler lor zot parski zot finn swiv sime Kain. Akoz larzan, zot finn egare kouma Balam e zot finn mor dan zot revolt kouma rebelion Kore.