Eb 12:16 - Nouvo Testaman Kreol Morisien Harmonisation NTPS KM

¹⁶ Veye ki personn pa vinn imoral. Pa mepriz Bondie parey kouma Ezai ki ti vann so drwa nesans pou enn sinp repa.

Nouvo Testaman dan Kreol Morisien

¹⁶ Veye ki personn pa vinn imoral. Pa mepriz Bondie parey kouma Esai ki ti vann so drwa nesans pou enn sinp repa.

Eb 12:16 Iomraidhean Croise

Mk 7:21

Andan, dan leker, lamem tou sort kalite move lide sorti: move lavi, kokin, touye,

Zistwar Bann Zapot 15:20

Okontrer nou bizin ekrir zot pou dimann zot pa manz manze ki finn ofer kouma sakrifis ar bann idol, pa viv dan limoralite, e pa manz laser zanimo ki finn trangle ek pa konsom disan.

Zistwar Bann Zapot 15:29

Pa manz seki finn ofer bann idol, ni disan; napa manz zanimo ki finn trangle; e prezerv zot kont pratik imoral. Zot pou bien fer si zot evit tou sa-la. Orevwar.”

1 Ko 10:8

Fode pa nou tom dan limoralite sexiel kouma bann-la, ek dan enn sel zour venntrwa-mil ant zot ti mor.

2 Ko 12:21

Mo per ki pandan sa prosin vizit-la, Bondie imilie mwa dan zot prezans, e ki mo pou plore lor boukou parmi zot ki pe kontigne dan vie pese lontan; zot pankor repanti zot inpirte, imoralite ek debos ki zot ti pratike.

Ef 5:3

Parski zot manb lepep Bondie, li pa korek ki zot koz lor bann size imoralite sexiel, inpirte, lanvi posed kiksoz ki pa pou zot.

Ef 5:5

Ala mo dir zot enn zafer ki sir: okenn dimounn imoral, indesan ou akaparer - sa enn form idolatri - pa pou gagn so par dan Rwayom Lekris ek Bondie.

Let pou Kolosien 3:5

Tou seki fer parti lavi lor later an zot, fer li mor: limoralite, inpirte, lavi bakanal, bann move dezir ek lamour larzan ki enn form idolatri.

1 Tim 1:9

Lalwa pa konsern bann dimounn ki ena bon kondwit. Li pou bann malfeter ek bann rebel, bann move dimounn ek bann peser, bann ki pena respe ni pou Bondie ni pou bann zafer sakre; pou bann ki touy zot papa zot mama, bann asasin,

Eb 13:4

Respekte lavi maryaz. Bann ki finn marye bizin res fidel avek zot lalians parski Bondie pou ziz bann ki azir enn fason imoral ek komet adilter.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”

Revelasion 22:15

Me andeor lavil ena bann lisien ek bann sorsie, bann dimounn imoral, kriminel, bann adorater idol ek tou bann ki kontan e pratik mansonz.