Eb 11:26 - Nouvo Testaman Kreol Morisien Harmonisation NTPS KM

²⁶ Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Nouvo Testaman dan Kreol Morisien

²⁶ Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Eb 11:26 Iomraidhean Croise

Psom 37:16

Sa ti trezor ki enn bon dimounn posede la, li vo plis ki tou larises ki tou bann modi posede.

Psom 69:20

Kalomni kas mo leker, dezespwar trap mwa par lagorz. Mo ti rod sinpati, pena personn! Mo ti rod konsolasion me dan vid!

Psom 69:7

Mo finn aksepte insilt ek kalomni akoz twa; laont ek imiliasion kouver mwa.

Proverb 11:18

Bann move dimounn travay pou nanye; dimounn ki fer dibien, zot ava dan bien.

Proverb 23:18

Lerla, to pou ena enn bon lavenir, e to lespwar pa pou tom dan dilo.

Mt 10:41

Dimounn ki akeyir enn profet akoz li enn profet pou gagn rekonpans enn profet; dimounn ki akeyir enn fidel akoz li enn fidel, li pou gagn rekonpans enn fidel.

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsa mem zot ti persekit bann ansien profet.

Mt 6:1

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Lk 14:14

koumsa to pou beni, parski bann-la pa kapav rann twa parey. To pou rekonpanse ler rezireksion bann zis vini.”

Lk 14:33

Alors, si zot pa renons tou seki zot posede, zot pa pou kapav vinn mo disip.

Zistwar Bann Zapot 5:41

Bann zapot ti kit lasal konsey leker kontan parski ti konsider zot dign pou gagn maltrete akoz nom Zezi.

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerla mem ki mo for.

2 Ko 6:10

mem dan sagrin nou touletan zwaye; nou pov, me nou anrisi boukou dimounn; li paret ki nou pena nanye, me an-verite nou posed tou kiksoz!

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Filipien 3:7

Tou sa bann kiksoz-la ti pou mwa kouma enn profi, me aster-la mo konsider zot kouma enn pert akoz Kris.

Eb 10:33

parfwa dimounn finn insilte zot piblikman ek persekit zot, parfwa zot ti pre pou soutenir lezot ki pe gagn maltrete.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimounn ki rod li.

Eb 13:13

Alor anou al ver li andeor kan pou partaz so imiliasion.

Eb 2:2

Si mesaz ki bann anz ti amene lontan ti valid e tou dimounn ki pa ti respekte ek obeir mesaz-la, zot ti gagn pinision ki zot ti merite;

1 Pi 1:11

Zot finn fer zefor pou dekouver ki lepok e dan ki sirkonstans ki Lespri Kris ki dan zot, ti predir soufrans ki Kris ti pou soufer ek laglwar ki ti pou swiv apre.

1 Pi 4:14

Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.

Revelasion 2:9

Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 3:18

Alor mo konsey twa aste lor ar mwa, lor ki finn rafine dan dife, pou ki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.