Eb 11:16 - Nouvo Testaman Kreol Morisien Harmonisation NTPS KM

¹⁶ Me an realite, zot ti anvi enn pei pli meyer, setadir, enn pei dan lesiel mem. Akoz samem Bondie pa onte ki zot apel li zot Bondie; parski li finn prepar enn lavil pou zot.

Nouvo Testaman dan Kreol Morisien

¹⁶ Me anrealite, zot ti anvi enn pei pli meyer, setadir, enn pei dan lesiel mem. Akoz samem Bondie pa onte ki zot apel li zot Bondie; parski li finn prepar enn lavil pou zot.

Eb 11:16 Iomraidhean Croise

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Mk 12:26

Lor sa problem rezireksion bann mor-la, zot pa finn lir seki finn ekrir dan liv Moiz? Zot pa finn tande kouma Bondie ti koz ar Moiz dan zistwar bwison ardan? Bondie limem pa ti dir, ‘Momem Bondie Abraam, momem Bondie Izaak, momem Bondie Zakob’?

Mk 8:38

Si kikenn, dan sa zenerasion adilter ek peser-la, gagn onte akoz mwa ek mo parol, Garson Limanite, li osi pou ont li, kan li pou vinn dan laglwar so Papa ek bann anz ki sin.”

Lk 12:32

Pa gagn per, ti troupo, parski Bondie kontan pou donn zot so Rwayom.

Lk 20:37

Moiz limem finn fer kone ki bann mor pou leve parski dan sa pasaz lor bwison ardan la, li dir, ‘Lesegner Bondie Abraam, Bondie Izaak, Bondie Zakob’.

Zn 14:2

Dan lakaz mo Papa ena boukou plas, sinon mo pa ti pou dir ki mo pe al prepar enn plas pou zot?

Zistwar Bann Zapot 7:32

‘Momem Bondie to bann anset, Bondie Abraam, Izaak ek Zakob.’ Moiz koumans tranble e li pa oze gete.

Let pou Filipien 3:20

Me nou, nou bann sitwayen lesiel e nou pe atann nou Sover ek Segner Zezi Kris vini, li ki sorti depi laba.

2 Tim 4:18

Lesegner pou delivre mwa ankor dan tou bann piez ek li pou gard mwa pou so rwayom. Laglwar pou li dan leternite. Amen.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bann-la kokin tou zot dibien parski zot kone ki zot, zot posed kitsoz ankor pli meyer e ki pou reste pou touletan.

Eb 11:10

Abraam ti pe atann sa lavil avek enn fondasion solid la, ki Bondie limem arsitek e konstrikter.

Eb 11:14

Dimounn ki ti koz koumsa montre ki zot ti pe ankor rod enn pei pou zot etabli.

Eb 11:40

Ofet Bondie finn prevwar kitsoz meyer pou nou, pou ki selman ansam ar nou, zot pou vinn parfe.

Eb 12:22

Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

Eb 13:14

Nou pena enn lavil permanan isi lor later; me nou pe atann sa lavil ki pe vini la.

Eb 2:11

Sa Enn ki sanktifie dimounn-la, ek sa bann ki resevwar sanktifikasion-la, toule-de zot sorti dan mem rasinn. Alor Zezi pa onte pou apel zot frer e ser.

Revelasion 21:2

E mo ti trouv lavil sin, nouvo Zerizalem, sorti kot Bondie e desann depi lesiel. Li ti bien abiye parey kouma nouvel-marye pe atann so bieneme.