2 Tim 1:10 - Nouvo Testaman Kreol Morisien Harmonisation NTPS KM

¹⁰ Sa lagras-la ti manifeste par larive Lekris Zezi nou Sover ki finn detrir pouvwar lamor ek donn lavi eternel par so Bonn Nouvel.

Nouvo Testaman dan Kreol Morisien

¹⁰ Sa lagras la ti manifeste par larive Lekris Zezi nou Sover ki finn detrir pouvwar lamor ek donn lavi eternel par so Bonn Nouvel.

2 Tim 1:10 Iomraidhean Croise

Lk 11:36

Si tou to lekor dan lalimier, san ki enn parti dan teneb, tou to lekor pou briye parey kouma enn lalanp ki ekler twa avek so lekleraz.

Lk 13:7

Li dir ar planter rezin-la, ‘Get sa, sa fer trwa-z-an ki mo finn rod fri lor sa pie fig-la me mo pa gagn nanye. Koup li. Kifer li bar plas pou nanye?’

Lk 2:11

zordi dan lavil David, enn Sover, ki Lekris Lesegner, finn ne pou zot.

Zn 1:9

Veritab lalimier finn vinn dan lemond, li finn ekler tou dimounn.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 20:31

Tousala finn ekrir pou ki zot krwar ki Zezi-mem Lekris, Garson Bondie e pou ki bann seki krwar gagn lavi par so nom.

Zn 4:42

Zot dir madam-la, “Nou nepli krwar akoz to parol, me nou osi, nou finn tann li e nou kone ki limem vre Sover lemond.”

Zn 5:40

Malgre sa, zot pa oule vinn ar mwa pou gagn lavi.

Zistwar Bann Zapot 13:23

Bondie finn azir dapre so promes e li finn lev enn Sover, Zezi, enn desandan David.

Zistwar Bann Zapot 5:31

Bondie, par so pwisans, finn lev li lao kouma Sef ek Sover pou ki li donn Izrael lokazion repanti, e ki li pardonn zot pese.

Let pou Romin 16:26

me ki aster-la finn revele par seki bann profet ti ekrir par komannman Bondie, pou ki tou bann pep ki pe gagn konesans krwar e obeir Bondie.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Let pou Romin 3:31

Eski savedir par sa lafwa-la nou kensel lalwa? Pa ditou! Okontrer nou donn li so vre valer.

Let pou Romin 6:6

Nou kone ki nou vie natir finn krisifie ansam ar li, pou ki sa lekor pese la perdi tou so pouvwar, e ki nou nepli pou esklav pese.

1 Ko 15:26

Dernie lennmi ki pou detrir, se lamor.

1 Ko 4:5

Akoz sa pa pronons okenn zizman avan letan fixe, avan ki Lesegner retourne. Lesegner ki pou met okler bann kiksoz ki kasiet dan nwar, ki pou revel bann lintansion ki dan leker dimounn. Lerla sakenn pou gagn louanz ki Bondie ena pou li.

2 Ko 5:4

Osi lontan ki nou res dan sa latant ki nou ena lor later-la, nou pou akable, parski nou pa oule res san linz lor nou, me nou anvi met enn lot linz lor nou afin ki seki mortel li anglouti par lavi.

Ga 5:4

Si zot sey vinn drwat devan Bondie par lobeisans lalwa, zot koup zot avek Kris, ek zot met zotmem andeor so lagras.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Ef 1:9

Li finn fer nou konn mister so volonte, so plan ki li ti finn deside davans dapre so bon plezir pou realize par Lekris.

2 Tes 2:8

lerla move rebel-la pou paret e Segner Zezi pou touy li, li pou detrir li avek lafors so retour.

2 Tim 1:1

Mwa, Pol, mo enn zapot Zezi Kris par volonte Bondie. Mo finn resevwar mision pou proklam promes lavi ki gagne kan nou enn sel avek Lekris Zezi.

2 Tim 1:8

Pa per pou donn to temwaniaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

2 Tim 4:1

Mo dimann twa, dan prezans Bondie ek Lekris Zezi ki bizin vini pou ziz bann vivan ek bann mor par so manifestasion ek so regn,

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Let pou Tit 2:11

Lagras Bondie ki sov tou dimounn finn manifeste.

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Let pou Tit 3:4

Me kan Bondie nou Sover finn montre so bonte ek so lamour pou dimounn,

Eb 10:32

Me rapel seki zot finn viv dan lepase. Apre ki zot finn resevwar lalimier, zot finn soufer boukou, me zot finn res ferm dan lalit;

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

2 Pi 1:11

Dan sa fason-la, zot pou gagn enn gran privilez pou rant dan rwayom eternel Zezi Kris nou Segner ek Sover.

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so aksion.

2 Pi 2:20

Ofet dimounn ki finn kapav sap dan bann move inflians lemond akoz zot finn konn Zezi Kris, nou Segner ek Sover, apre zot remay dan lak, zot sitiasion pou vinn pir ki avan.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

2 Pi 3:2

Zot bizin rapel bann parol ki bann sin profet ti dir, e komannman ki Lesegner ek Sover ti koze atraver bann Zapot.

1 Zn 1:2

Sa lavi-la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

1 Zn 4:14

Nou finn trouve e nou temwagne ki Bondie finn avoy so Garson kouma Sover lemond.

Revelasion 18:1

Apre sa, mo trouv enn lot anz sorti dan lesiel. Li ti ena enn gran lotorite e later ti eklere par so laglwar.

Revelasion 2:7

Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 20:14

Apre, ti zet lamor ek Ades dan basin dife. Basin dife, samem deziem lamor.

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.

Revelasion 22:17

Lespri ek nouvel marye dir, “Vini!” Dimounn ki tann sa, zot osi dir, “Vini!” Dimounn ki swaf bizin vini, dimounn ki anvi pran delo lavi, pran li gratis.