2 Tes 2:16 - Nouvo Testaman Kreol Morisien Harmonisation NTPS KM

¹⁶ Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

Nouvo Testaman dan Kreol Morisien

¹⁶ Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

2 Tes 2:16 Iomraidhean Croise

Psom 103:17

Depi touzour ziska touzour LESEGNER ena enn lamour infini pou bann ki onor li; e so fidelite pou dire pou zanfan zot zanfan;

Lk 16:25

Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me aster-la li dan bien isi, e twa to dan soufrans.

Zn 13:1

Avan fet Pak, kan Zezi trouve ki so ler finn vini pou kit sa later-la pou al rezwenn so Papa, kouma li ti kontan bann ki ti pe swiv li lor later, li kontign kontan zot ziska lafin.

Zn 15:13

Pena pli gran lamour ki existe ler kikenn donn so lavi pou so bann kamarad.

Zn 15:9

Kouma mo Papa kontan mwa, mwa osi mo kontan zot. Res dan mo lamour.

Zn 16:22

Aster-la zot dan lapenn me kan mo pou retrouv zot ankor, zot leker pou dan lazwa e personn pa pou kapav retir sa lazwa-la ar zot.

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Zn 4:14

Me dimounn ki bwar dilo ki mwa mo pou donn li, nepli pou gagn swaf; dilo ki mwa mo pou donn li, pou vinn enn lasours lavi eternel dan li.”

Zistwar Bann Zapot 15:11

Me nou krwar ki nou, osi bien ki bann-la, pou sove par lagras Lesegner Zezi.”

Zistwar Bann Zapot 18:27

Letan Apolos ti le al Akai, bann frer ti ankouraz li e zot ti ekrir bann disip laba pou akeyir li bien. Kan li ariv laba, li ti enn gran sekour pou bann ki ti finn krwar par lagras Bondie.

Let pou Romin 1:7

Mo pe ekrir pou tou bann ki dan Rom ki Bondie kontan e ki li finn apele pou swiv Zezi Kris. Ki Bondie nou Papa ek Lesegner Zezi Kris donn zot lagras ek lape.

Let pou Romin 4:16

Pou sa rezon-la, promes-la baze lor lafwa pou ki li enn don Bondie e li valab pou tou bann desandan Abraam; pa zis pou dimounn ki obeir lalwa, me osi pou dimounn ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 4:4

Si enn dimounn travay, so lapey pa kapav enn kado me enn kiksoz ki dwa li.

Let pou Romin 5:8

Me ala ki manier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Ef 5:25

Mari, kontan zot fam parey kouma Lekris ti kontan Legliz e li ti donn so lavi pou li

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

Let pou Kolosien 1:5

akoz sa lesperans ki pe atann zot dan lesiel; zot finn tann lanons sa lesperans-la avan, par Bonn Nouvel, Parol laverite

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

1 Tes 3:11

Ki Bondie nou Papa limem ek nou Segner Zezi diriz nou lor sime ki amenn nou kot zot.

2 Tes 2:13

Nou bizin touzour pe rann gras Bondie pou zot bann frer ek ser, parski Bondie finn swazir zot depi koumansman mem pou sov zot par pouvwar Lespri e par zot krwayans dan laverite, pou fer zot vinn enn pep sin.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Eb 7:19

parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

1 Zn 3:16

Ala kouma nou kone ki vedir lamour: Zezi Kris finn donn so lavi pou nou. Nou osi nou bizin donn nou lavi pou nou bann frer ek ser.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Revelasion 22:5

Nepli pou ena lanwit; personn pa pou bizin lalimier flanbo ou lalimier soley; Lesegner Bondie, limem pou zot lalimier, e zot pou regne pou touzour.

Revelasion 3:9

Ala seki mo pou fer avek sa bann dimounn dan lasanble Satan la, sa bann manter ki pretann zot Zwif kan zot pa sa ditou. Mo pou fors zot pou vinn azenou devan twa pou onor twa. Zot pou rekonet ki mo kontan twa.