2 Pi 3:2 - Nouvo Testaman Kreol Morisien Harmonisation NTPS KM

² Zot bizin rapel bann parol ki bann sin profet ti dir, e komannman ki Lesegner ek Sover ti koze atraver bann Zapot.

Nouvo Testaman dan Kreol Morisien

² Zot bizin rapel bann parol ki bann sin profet ti dir, e komannman ki Lesegner ek Sover ti koze atraver bann apot.

2 Pi 3:2 Iomraidhean Croise

Lk 1:70

parey kouma li finn dir par labous so bann sin profet depi lontan.

Lk 24:27

Lerla li pran depi Moiz ek tou bann profet pou explik zot tou seki finn ekrir lor li dan Lekritir.

Lk 24:44

Li dir zot, “Samem parol ki mo ti dir zot kan mo ti avek zot parski tou seki finn ekrir lor mwa dan Lalwa Moiz, Liv bann Profet e bann Psom, ti bizin realize.”

Zistwar Bann Zapot 10:43

Tou bann profet ti koz lor li. Zot ti dir seki krwar dan li pou resevwar pardon zot pese par pwisans so nom.”

Zistwar Bann Zapot 28:23

Zot ti tom dakor lor enn dat randevou avek Pol, e zot ti vinn kot li ar boukou lot dimounn ankor. Pol ti anons zot Rwayom Bondie. Li ti servi lalwa Moiz ek liv profet pou li konvink zot lor Zezi. Li ti fer sa depi gramatin ziska tanto.

Zistwar Bann Zapot 3:18

Dan sa fason-la Bondie finn akonpli seki li ti anonse par bann profet, ki so Mesi pou soufer.

Zistwar Bann Zapot 3:21

Aster-la li bizin res dan lesiel ziska ki seki Bondie finn anonse bien-bien lontan par so bann sin profet, realize.

Ga 6:2

Sakenn bizin ed so kamarad, lerla zot pou met an pratik lalwa Lekris,

Ef 2:20

Zot finn integre dan konstriksion ki ena bann Zapot ek bann profet pou fondasion, ek Zezi Kris limem ros ki tini tou.

Ef 3:5

Bondie pa ti fer bann lezot zenerasion avan konn sa mister-la. Aster li finn revel li ar so bann Zapot ek profet par Lespri.

1 Tim 6:14

pou vey lor komannman to finn gagne pou ki to san repros kan nou Segner Zezi Kris pou manifeste li.

2 Pi 2:21

Li ti pou meyer ki zame zot ti konn sime lazistis, ki apre ki zot finn konn li, zot tourn zot ledo ar bann komannman sakre ki finn transmet zot.

2 Pi 3:15

Zot bizin konsider pasians nou Segner kouma enn lokazion pou nou akeyir delivrans Bondie, parey kouma nou frer Pol finn ekrir avek lasazes ki Bondie finn donn li.

2 Pi 3:16

Samem ki li dir nou dan tou so bann let. Ena sertin pasaz ki difisil pou konpran, ki bann inioran oubien bann ki latet fatige pou deform so sans, kouma zot fer avek lezot pasaz dan Lekritir sin. Sa pou amenn zot destriksion.

1 Zn 4:6

Nou, nou sorti kot Bondie. Dimounn ki konn Bondie ekout nou, e dimounn ki pa sorti kot Bondie, pa ekout nou. Koumsa mem ki nou rekonet Lespri Bondie ki vre ek lespri dimal ki fos.

Let Zid 1:17

Me zot, mo bann kamarad, rapel bien predikasion bann zapot Zezi Kris nou Segner.

Revelasion 19:10

Alor mo tom azenou pou ador li, me li dir mwa, “To pa fer sa! Mo enn koleg serviter avek twa ek to bann kamarad, bann temwin fidel Zezi. Bondie ki to bizin adore parski temwaniaz Zezi, samem lespri ki inspir bann profet.”