2 Pi 3:1 - Nouvo Testaman Kreol Morisien Harmonisation NTPS KM

¹ Mo bann frer ek ser, sa fer deziem let ki mo ekrir zot. Dan toule-de, mo finn sey rapel zot bann souvenir pou stimil zot lespri avek bon panse.

Nouvo Testaman dan Kreol Morisien

¹ Mo bann frer ek ser, sa fer deziem let ki mo ekrir zot. Dan toulede, mo finn sey rapel zot bann souvenir pou stimil zot lespri avek bon panse.

2 Pi 3:1 Iomraidhean Croise

Psom 24:4

Bann ki zot lame prop ek zot leker kler, ki pa priye idol e ki pa fer promes dan vid.

Psom 73:1

Vremem Bondie touletan bon ar Izrael e ar bann dimounn ki ena leker kler.

Mt 5:8

Bienere zot ki ena leker san tas, zot pou ar Bondie e zot pou trouv li.

2 Ko 13:2

Mo ena enn avertisman pou donn seki finn fer pese dan lepase, e osi ar tou lezot; mo ti deza dir sa dan mo deziem vizit, me mo pe dir li ankor pandan mo labsans: prosenn fwa ki mo vinn kot zot, mo pa pou les personn sape.

1 Tim 5:22

Pa inpoz lame vit-vit lor personn, sinon to pou konplis pese lezot. Pran to distans, gard twa prop.

2 Tim 1:6

Ala kifer mo dimann twa gard vivan don spiritiel ki Bondie finn depoz dan to leker kan mo finn inpoz lame lor twa.

Eb 6:9

Me zot, mo bann kamarad, nou kone ki mem si nou koz koumsa, zot lor bon sime delivrans.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki an dezakor ar zot lam.

2 Pi 3:14

Akoz samem, mo bann bieneme, letan ki zot pe atann sa zour-la, fer tou seki zot kapav pou ki zot res san tas, san okenn pese e ki li trouv zot pe viv anpe avek li.

2 Pi 3:17

Me zot, mo bann bieneme, zot deza averti. Fer atansion, pa les zot antrene par erer bann move dimounn ki rod destabiliz zot.

2 Pi 3:8

Me, mo bann bieneme, fode pa ki zot bliye ki pou Lesegner, enn zour li parey kouma mil an, e mil an li parey kouma enn sel zour.

Let Zid 1:5

Mem si zot konn tousala, mo anvi rapel zot kouma Lesegner finn sov so pep depi later Lezip enn fwa pourtou, me pli tar li ti detrir bann ki pa ti krwar.