1 Tim 6:12 - Nouvo Testaman Kreol Morisien Harmonisation NTPS KM

¹² Amenn gran konba lafwa, pran posesion lavi eternel pou lekel Bondie finn apel twa parski to finn fer enn zoli konfesion to lafwa dan prezans boukou temwin.

Nouvo Testaman dan Kreol Morisien

¹² Amenn gran konba lafwa, pran posesion lavi eternel pou lekel Bondie finn apel twa parski to finn fer enn zoli konfesion to lafwa anprezans boukou temwin.

1 Tim 6:12 Iomraidhean Croise

Psom 63:8

Mo may ar twa ar tou mo leker e to lame pwisan protez mwa.

Proverb 3:18

Lasazes kouma enn pie ki donn lavi bann ki trap li; bann ki konn gard lasazes, pou apel zot bienere.

2 Ko 6:7

par parol laverite, e par pwisans Bondie; avek zarm lazistis dan nou lame drwat e dan nou lame gos.

2 Ko 9:13

Akoz prev ki zot montre par zot servis, enn kantite pou glorifie Bondie pou zot fidelite anver Bonn Nouvel Lekris, zot gran zenerozite pou partaz zot dibien avek bann-la, e avek tou lezot ankor.

Let pou Filipien 1:30

Zot pe amenn mem konba ki zot finn trouv mwa pe amene e kouma zot kone mo ankor pe amene.

Let pou Kolosien 3:15

Ki lape Lekris regn dan zot leker, pou samem ki zot tou finn apele pou form enn sel lekor. Viv dan rekonesans.

1 Tes 2:12

Nou finn ankouraz zot, rekonfort zot ek plede pou ki zot amenn enn lavi korek ki onor Bondie, ki apel zot pou partaz ar li so rwayom ek so laglwar.

2 Tes 2:14

Atraver Bonn Nouvel ki nou finn anons zot, Koumsa mem Bondie finn apel zot pou ete. Li finn apel zot pou ki zot gagn zot par dan laglwar nou Segner Zezi Kris.

1 Tim 1:18

Timote, mo garson, kan mo pe fer tou sa bann rekomandasion-la, mo mazinn bann profesi ki konsern twa. Pran sa parol-la kouma enn gid dan sa gran komba ki to ena pou amene la.

1 Tim 1:19

Gard to lafwa ek to konsians drwat. Ena dimounn pa finn pran mo parol an konsiderasion e zot lafwa finn fer nofraz.

1 Tim 4:14

Pa negliz don lagras ki to finn resevwar kan bann profet ti pronons parol dan to faver e group bann ansien ti inpoz lame lor twa.

1 Tim 6:13

Dan prezans Bondie ki finn kree tou kiksoz e Zezi Kris ki finn proklam lafwa devan Pons Pilat, mo rekomann twa

1 Tim 6:19

Zot va ramas enn zoli trezor bien solid pou lavenir e zot pou gout vre lavi.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

2 Tim 2:2

To finn temwin mo lansegnman. Mo oule aster-la ki to transmet tousala bann dimounn sir ki pou kapav ansegn lezot.

2 Tim 4:7

Mo finn konbat bon konba. Mo finn galoup mo lekours, mo finn gard mo lafwa.

Eb 13:23

Mo anvi fer zot kone ki nou frer Timote finn sorti dan prizon. Si li pa tarde pou vini, mo pou kapav amenn li avek mwa kan mo vinn get zot.

Eb 3:14

Ofet nou enn partner avek Lekris, si nou gard sa konfians ki nou ena depi koumansman la, ziska lafin.

Eb 6:18

Bondie pa koz manti. Alor so promes ek so serman, se de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

1 Zn 2:25

Samem ki li finn promet nou: lavi eternel.

Let Zid 1:3

Mo bann kamarad, mo ti pe fer tou pou ekrir zot lor size ladelivrans ki nou ena an-komin, me mo finn trouv li neseser pou adres zot sa let-la, pou ankouraz zot pou lite dan lafwa ki Bondie finn donn so pep sin.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.