1 Tim 2:10 - Nouvo Testaman Kreol Morisien Harmonisation NTPS KM

¹⁰ Kouver zot plito ar bann bon aksion; koumsa mem enn fam fer kan li respekte Bondie.

Nouvo Testaman dan Kreol Morisien

¹⁰ Kouver zot plito ar bann bonaksion; koumsamem enn fam fer kan li respekte Bondie.

1 Tim 2:10 Iomraidhean Croise

Proverb 31:25

Li enn fam for ki tou dimounn respekte; so lavenir asire.

Proverb 31:31

Rekonpans li pou so louvraz; e felisit li anpiblik pou so travay.

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.

Zistwar Bann Zapot 9:39

Lerla Pier al ar zot. Kan li ariv laba zot amenn li dan lasam lao. Tou bann vev antour li, zot ti pe plore. Zot montre li bann semiz e lezot linz ki Dorkas ti koud letan li ti ankor vivan.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

1 Tim 2:11

Kan pe donn lansegnman, madam bizin res trankil dan limilite.

1 Tim 2:9

Lor kestion bann madam dan lasanble, fode ki zot abiy zot dan enn fason korek, abiy zot avek respe ek sinplisite; pa fer bann kwafir konplike, pa orn zot lekor ar bizou, perl, e pa met linz extravagan.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Tit 3:8

Sa enn parol sir. Mo oule ki to met lanfaz lor sa bann kestion-la afin ki bann ki finn met zot lafwa dan Bondie, zot ena aker pou fer lebien devan tou dimounn, seki enn bon zafer an limem.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

2 Pi 3:11

Si tou kiksoz pou bizin disparet dan sa fason-la, alor ki kalite dimounn nou bizin ete? Zot bizin ena enn lavi sin e respektab devan Bondie.

Revelasion 2:19

Mo konn tou to travay, to lamour, to lafwa, to servis ek to landirans. Mo kone ki to ankor pli aktif ki avan.