1 Tes 4:8 - Nouvo Testaman Kreol Morisien Harmonisation NTPS KM

⁸ Akoz samem, dimounn ki rezet sa lansegnman-la, li pa pe rezet enn zom me Bondie ki donn osi so Lespri Sin.

Nouvo Testaman dan Kreol Morisien

⁸ Akoz samem, dimoun ki rezet sa lansegnman la, li pa pe rezet enn zom me Bondie ki donn osi so Lespri Sin.

1 Tes 4:8 Iomraidhean Croise

Proverb 1:7

Rekonet lotorite LESEGNER, samem koumansman konesans; zis bann vantar ki ignor lasazes ek bon ledikasion.

Proverb 23:9

Pa gaspiy to bann parol sazes ar enn dimounn san-konpran; li pou mepriz valer to parol.

Lk 10:16

Seki ekout zot, ekout mwa; seki rezet zot, rezet mwa, e seki rezet mwa, rezet Sa-Enn ki finn avoy mwa la.”

Zn 12:48

Seki rezet mwa e pa aksepte mo bann parol, finn fini pas zizman lor limem. Parol ki mo pe dir, samem pou ziz li dan dernie zour.

Zistwar Bann Zapot 13:41

‘Gete, zot ki ranpli ar mepri, ki aster zot ranpli ar etonnman e ki zot disparet! Seki mo pe fer zordi zour enn kiksoz ki zot pa pou krwar mem si kikenn rakont zot sa.’ ”

Let pou Romin 5:5

Sa lesperans-la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

1 Ko 2:10

Abe, samem mister ki Bondie finn revel nou par so Lespri Sin. Lespri kapav examinn tou kiksoz, mem bann plan Bondie ki pli kasiet.

1 Ko 7:40

Selman dapre mwa, li pli erez si li res kouma li ete. Sa mo lopinion, e mo panse ki mo ena Lespri Bondie dan mwa.

2 Ko 1:22

li finn met enn sele lor nou pou montre ki nou so zanfan, li finn met Lespri Sin dan nou leker kouma enn garanti bann dibien ki rezerve pou nou.

Ga 4:6

E parski zotmem so bann zanfan, Bondie finn avoy Lespri so Garson dan nou leker, Lespri ki kriye “Abba, Papa!”

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz-la.

2 Pi 1:21

parski okenn profesi pa finn vini par volonte imin, me plito bann dimounn anba linflians Lespri Sin ki finn proklam mesaz Bondie.

1 Zn 3:24

Dimounn ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

Let Zid 1:8

Dan mem fason, sa bann dimounn ki fer vizion la, zot sali zot lekor, rezet lotorite ek insilte bann kreatir ki viv dan laglwar eternel Bondie.