1 Tes 2:5 - Nouvo Testaman Kreol Morisien Harmonisation NTPS KM

⁵ Kouma zot kone e Bondie temwin, zame nou pa finn servi bann parol pou flat noumem oubien pou kasiet gourmandiz materyel.

Nouvo Testaman dan Kreol Morisien

⁵ Kouma zot kone, zame nou pa finn servi bann parol pou flat noumem oubien pou kasiet gourmandiz materyel; Bondie li nou temwin.

1 Tes 2:5 Iomraidhean Croise

Proverb 20:19

Palabrer pa konn gard sekre. Pa frekant dimounn ki nek blage.

Proverb 26:28

Lalang manter deteste so viktim; kikenn ki met dan siro rwinn dimounn ki li flate la.

Proverb 28:23

Avek letan, nou pou prefer enn dimounn ki kritike; ki enn dimounn ki pas diber.

Mt 22:16

Alor, zot avoy zot bann disip, ansam avek bann Erodien pou al get Zezi. Bann-la dir li, “Met, nou kone ki to sinser, seki to ansegne lor lalwa Bondie li vre, e to pa les twa inflianse par personn parski to tret tou dimounn parey.

Mt 23:13

Maler lor tou bann dokter lalwa ek Farizien ipokrit! Zot finn ferm laport lesiel pou dimounn. Zotmem zot pa rantre e kan lezot anvi rantre, zot blok laport.

Zistwar Bann Zapot 20:33

Mo pa finn ena okenn anvi pou: ni larzan, ni lor, ni linz personn.

Let pou Romin 1:9

Bondie mo temwin. Mo servi li ar tou mo leker par Bonn Nouvel ki mo anonse ki konsern Zezi Kris. Li kone ki mo pans zot touletan, sak fwa ki mo priye.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

2 Ko 12:17

Parmi bann dimounn ki mo finn avoy zot, eski ena enn ladan ki mo finn servi pou explwat zot?

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Ko 7:2

Fer plas dan zot leker pou nou. Nou pa finn fer ditor personn, nou pa finn koronp personn, nou pa finn explwat personn.

Ga 1:20

Seki mo pe ekrir zot la, Bondie kone ki mo pa pe koz manti.

1 Tes 2:10

Ansam avek Bondie, zot temwin, ki manier nou finn ena enn kondwit sin ek san repros vizavi zot, bann krwayan.

1 Tim 3:3

Fode pa ki li enn soular, ni kontan lager, ni fer koze vinn long ek kontan larzan. Li bizin enn dimounn trankil ki pena enn lintere personel.

1 Tim 3:8

Mem zafer pou bann diak. Zot bizin respektab ek sinser, pa servi doub langaz, pa soular, ni atase ar larzan.

Let pou Tit 1:7

Enn levek, antan ki enn zeran Bondie, bizin ireprosab: fode pa ki li arogan, fer koler, biver, batayer, kontan kas.

1 Pi 5:2

pran bien swin troupo Bondie ki anba zot responsabilite; vey lor li, pa par obligasion me par amour; fer zot travay par devouman e non pa par intere.

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Let Zid 1:11

Maler lor zot parski zot finn swiv sime Kain. Akoz larzan, zot finn egare kouma Balam e zot finn mor dan zot revolt kouma rebelion Kore.