1 Tes 2:4 - Nouvo Testaman Kreol Morisien Harmonisation NTPS KM

⁴ Okontrer, parey kouma Bondie finn konfie nou so Bonn Nouvel, nou pa koze pou fer plezir bann imin me pou fer plezir Bondie ki teste nou leker.

Nouvo Testaman dan Kreol Morisien

⁴ Okontrer, parey kouma Bondie finn konfie nou so Bonn Nouvel, nou osi, nou koze, pa pou fer plezir bann imin me pou fer plezir Bondie ki teste nou leker.

1 Tes 2:4 Iomraidhean Croise

Psom 139:23

Examinn mwa, O Bondie pou to dekouver mo leker; teste mwa pou to konn mo panse.

Psom 17:3

Si to examinn fon mo leker; si pandan lanwit to vey mwa, si to teste mwa, to pa pou trouv okenn blam kont mwa. Mo labous zame dir move kiksoz

Psom 44:21

to ti pou may nou anplin parski to konn nou panse profon.

Psom 7:9

O Bondie, twa ki lasours drwatir, twa ki konn ziz nou panse ek nou santiman, detrir lemal bann move dimounn e fer bann dimounn ki drwat vinn pli for.

Proverb 17:3

Nou servi dife pou teste lor ek larzan; zis LESEGNER ki kapav teste nou leker.

Lk 12:42

Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler?

Lk 16:11

Si to pa finn fidel ar dibien ki ena lor later, kisann-la pou konfie twa dibien ki dan lesiel?

Zn 21:17

Zezi demann li enn trwaziem fwa, “Simon garson Zan, eski to kontan mwa?” Pier sagrin ki Zezi demann li enn trwaziem fwa, “Eski to kontan mwa?” Lerla Pier reponn, “Segner, to konn tou, to kone ki mo kontan twa.” Zezi dir li, “Donn manze mo bann mouton.

Let pou Romin 8:27

Bondie ki kapav lir dan nou leker, li kone ki ena dan panse Lespri, parski Lespri intersed pou bann krwayan dapre volonte Bondie.

1 Ko 7:25

Aster-la, lor size bann fam ki pa marye, mo pena okenn lord ki Lesegner finn done, me mo donn mo lopinion parski mo enn zom ki merit zot konfians akoz labonte Lesegner.

1 Ko 9:17

Si mo ti swazir sa travay-la par momem mo ti pou ena drwa enn saler. Me si sa finn inpoze lor mwa, alor mo oblize pran sa sarz-la pou nanye, san gagn lapey.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Ko 5:11

Parski nou bien kone ki savedir ena reverans pou Lesegner, alor nou sey konvink lezot. Bondie bien konn nou, e mo espere ki dan zot leker zot osi zot konn mwa.

2 Ko 5:16

Alor depi aster nou nepli konsider okenn dimounn dapre manier imin. Mem si avan nou ti konsider Lekris dan enn manier imin, nou pa get li koumsa aster-la.

Ga 1:10

Aster-la, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

Ga 2:7

Okontrer, zot ti trouve ki Bondie finn konfie mwa Bonn Nouvel pou anons bann non-Zwif parey kouma Pier pou bann Zwif.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Ef 6:6

Pa fer sa zis kan bann-la pe vey zot, pou fer bann-la plezir; me fer volonte Bondie ar tou zot leker kouma bann esklav Lekris.

Let pou Kolosien 3:22

Bann esklav, dan tou kiksoz obeir zot bann met ki lor later. Servi zot, pa parski pe vey zot, kouma dir zot pe rod fer plezir bann imin, me ar enn leker ki sinp e ki ena lakrint pou Lesegner.

1 Tim 6:20

Timote, mo garson, vey bien lor seki Bondie finn konfie twa, evit bann koze dan vid e bann gran-gran deba, ki zot swadizan apel “konesans.”

2 Tim 1:14

Gard bann bon lansegnman avek led Lespri Sin ki touzour prezan dan nou leker.

2 Tim 2:2

To finn temwin mo lansegnman. Mo oule aster-la ki to transmet tousala bann dimounn sir ki pou kapav ansegn lezot.

Let pou Tit 1:3

Kan finn ariv lemoman, Bondie nou Sover finn manifeste so parol par enn proklamasion ki finn konfie mwa par so lord.

Eb 4:13

Dan kreasion, nanye pa invizib pou lizie Bondie. Devan li nou touni, so lizie trouv tou e zis avek limem ki nou bizin rann kont.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.

Revelasion 2:23

Mo pou touy to bann zanfan. Tou bann Legliz pou kone ki momem ki konn bann panse ek lespri tou dimounn. Mo pou tret sakenn dapre seki zot merite.