1 Tes 2:14 - Nouvo Testaman Kreol Morisien Harmonisation NTPS KM

¹⁴ Ofet, mo bann frer ek ser, zot finn swiv lexanp bann dimounn ki dan legliz Bondie dan Zide ki krwar dan Zezi Kris. Zot prop pep finn persekit zot, parey kouma bann-la ti sibir ar bann Zwif,

Nouvo Testaman dan Kreol Morisien

¹⁴ Ofet, mo bann frer ek ser, zot finn swiv lexanp bann dimoun ki dan legliz Bondie dan Zide ki krwar dan Zezi Kris. Zot prop pep finn persekit zot, parey kouma bannla ti sibir ar bann Zwif,

1 Tes 2:14 Iomraidhean Croise

Zistwar Bann Zapot 11:19

Bann ki ti disperse akoz persekision ki ti koumanse par lamor Etienn ti al ziska Fenisi, Sip ek Antios. Zot ti pe partaz laparol zis ar bann Zwif.

Zistwar Bann Zapot 13:50

Me bann Zwif ti mont latet bann madam ki ti inportan dan sosiete e ki ador Bondie e osi bann gran dirizan zom lavil. Zot ti provok enn persekision kont Pol ek Barnabas, e ti pous zot depi sa rezion-la.

Zistwar Bann Zapot 14:19

Bann Zwif ki ti sorti Antios ek Ikoniem ti vinn laba. Zot finn gagn konfians bann dimounn-la. Zot finn flank Pol kout ros, e letan zot finn krwar ki li finn mor, zot finn trenn li deor lavil.

Zistwar Bann Zapot 14:2

Me bann Zwif ki ti refiz krwar ti mont latet bann non-Zwif kont bann frer.

Zistwar Bann Zapot 14:4

Me bann dimounn dan lavil ti divize: ena ki ti mars avek bann Zwif, ek inpe lezot ti avek bann zapot.

Zistwar Bann Zapot 14:5

Bann non-Zwif ek bann Zwif ansam avek zot bann sef ti mont enn plan pou atak Pol ek Barnabas ek pou pil ros lor zot;

Zistwar Bann Zapot 17:13

Kan bann Zwif Tesalonik ti aprann ki Pol ti pe anons laparol dan Bere osi, zot al laba pou met dezord parmi lepep.

Zistwar Bann Zapot 18:12

Me kan Galyon ti gouverner Akai bann Zwif ti marye-pike kont Pol ek zot ti amenn li devan lakour.

Zistwar Bann Zapot 8:1

Sol ti dakor ar zot krim lor Etienn.

Zistwar Bann Zapot 8:3

Me Sol ti pe persekit Legliz; li ti rant dan lakaz apre lakaz, li tir bann krwayan - ki li zom ki li fam - e li ti al zet zot dan prizon.

Zistwar Bann Zapot 9:1

Sa lepok-la, Sol ti ankor ranpli avek menas lamor kont bann disip Lesegner. Li ti al kot gran pret

Zistwar Bann Zapot 9:13

Ananias reponn, “Segner, mo finn tann enn kantite koze lor sa zom-la, ki kantite ditor li finn fer to bann fidel dan Zerizalem.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

1 Ko 10:32

Viv enn fason ki zot pa kree skandal ni pou bann Zwif ni pou bann Grek ni pou Legliz Bondie.

1 Ko 7:17

Apar sa ka-la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan Legliz partou.

Ga 1:22

Okenn manb legliz Zezi dan Lazide pa ti ankor konn mwa personelman lerla;

1 Tes 1:1

Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

1 Tes 1:6

Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

1 Tes 3:4

Letan nou ti ankor kot zot, nou ti prevenir zot ki nou pou gagn persekite. Kouma zot kone, samem ki finn arive.

2 Tes 1:1

Pol, Silvin ek Timote pe ekrir Legliz Bondie Papa ek Lesegner Zezi Kris ki dan Tesalonik:

2 Tes 1:4

Akoz samem nou koz lor zot avek boukou fierte dan Legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.